Om Puri Birth Anniversary/ડાઘવાળો ચહેરો, શ્યામ રંગ અને ટૂંકું કદ, ટેલેન્ટના દમ પર ઈન્ડસ્ટ્રી પર રાજ કર્યું
મુંબઈ- 18 ઓકટોબર : બોલિવૂડ એક્ટર અનુપમ ખેરે પોતાના ટીવી શો ‘ધ અનુપમ ખેર શો’માં એક રમુજી કિસ્સો સંભળાવ્યો હતો. અનુપમ ખેર જણાવે છે કે જ્યારે શબાના આઝમીએ ઓમ પુરી અને નસીરુદ્દીન શાહની તસવીરો જોઈ ત્યારે તેણે કહ્યું હતું કે, ‘આવા બે કદરૂપા લોકો અભિનેતા બનવાની હિંમત કેવી રીતે કરી શકે.’ આ શોમાં ઓમ પુરી પણ હાજર હતા અને આ સાંભળીને જોર જોરથી હસવા લાગ્યા હતા. તેમનો ડાઘવાળો ચહેરો, શ્યામ રંગ અને ટૂંકું કદ પણ ઓમ પુરીની પ્રતિભાને છૂપાવી શકતું ન હતું. બોલિવૂડથી લઈને હોલિવૂડ સુધી તેણે પોતાની પ્રતિભાથી વિશેષ સ્થાન હાંસલ કર્યું. જો આજે ઓમ પુરી આપણી વચ્ચે હોત તો તેઓ તેમનો 75મો જન્મદિવસ ઉજવતા હોત. ઓમ પુરીનું 6 જાન્યુઆરી 2017ના રોજ મુંબઈમાં અવસાન થયું હતું. ઓમ પુરી અભિનયનો એવો ખજાનો હતો કે તેણે હોલીવુડના દિગ્દર્શકોને પણ પોતાની પ્રતિભાથી ચોંકાવી દીધા છે.
ઓમ પુરીએ 1976માં આવેલી ફિલ્મ ‘ઘાસીરામ કોટવાલ’થી પોતાની એક્ટિંગ કરિયરની શરૂઆત કરી હતી. આ પછી ઓમ પુરીએ પોતાના કરિયરમાં 325 થી વધુ ફિલ્મોમાં કામ કર્યું. ઓમ પુરી પોતાની ખાસ અભિનય શૈલી માટે જાણીતા હતા. તેમને ફિલ્મો અને અભિનય પ્રત્યે એટલો બધો શોખ હતો કે ઓમ પુરીએ આ ફિલ્મ માટે તેમનો તેમનું મહેનતાણું ‘મગફળી’ તરીકે લીધું હતું. નેશનલ સ્કૂલ ઓફ ડ્રામામાં અભ્યાસ કર્યા બાદ ઓમ પુરી 1973માં મુંબઈ આવ્યા હતા. આ પછી તેણે સતત ફિલ્મોમાં કામ કર્યું.
કોમર્શિયલ સાથે કલાત્મક ફિલ્મો
ઓમ પુરી બોલિવૂડ સિનેમાના એવા અભિનેતા હતા, જેમની પાસે તમામ પ્રકારના પાત્રોમાં જીવવાની ક્ષમતા હતી. ઓમ પુરીએ કોમેડીથી લઈને ગંભીર તમામ પ્રકારના પાત્રોમાં પોતાના અભિનયની ચમક ફેલાવી છે. ઓમ પુરીએ બોલીવુડની 325 થી વધુ ફિલ્મોમાં કામ કર્યું છે. ઓમ પુરીએ હોલીવુડની ફિલ્મોમાં પણ કામ કર્યું છે. ઈરફાન ખાન પહેલા પણ ઓમ પુરીને હોલીવુડના દિગ્દર્શકોએ શોધ્યા હતા. ઈસ્ટ ઈઝ ઈસ્ટ, ધ હન્ડ્રેડ ફૂટ જર્ની, વુલ્ફ અને લક્ષ્ય જેવી ફિલ્મોમાં કમાલ કરનાર ઓમ પુરીને તેમના ચાહકો તેમના જન્મદિવસે યાદ કરે છે. તેમજ સોશિયલ મીડિયા પર તેમના પાત્રોને યાદ કરીને શ્રદ્ધાંજલિ આપવામાં આવી છે.
આ પણ વાંચો : ઈઝરાયેલ સાથેનું યુદ્ધ વધુ ઉગ્ર બનશે: હમાસ ચીફના મૃત્યુ બાદ હિઝબુલ્લાહે આપી ધમકી
