ભોલેનાથના આશીર્વાદ મેળવવા માટે શિવલિંગ પર ચઢાવો આ વસ્તુ, ઘરમાં રહેશે હંમેશા સમૃદ્ધિ

ભગવાન ભોલેનાથના આશીર્વાદ મેળવવા માટે ભક્તો પૂજા અને વિવિધ ઉપાયો કરતા હોય છે. તેમજ ભોલેનાથ જેના પર પ્રસન્ન થાય તે લોકો પર તેમના આશીર્વાદ વરસાવે છે અને તેમના જીવનની તમામ પરેશાનીઓમાંથી પણ મુક્તિ મળે છે.

શિવલિંગ પર શું ચડાવવુ ?

એવી માન્યતા છે કે જે વ્યક્તિને ભગવાન શંકરની કૃપા મળે છે, તેનું જીવન સમૃદ્ધ બને છે અને તેને મોક્ષની પ્રાપ્તિ થાય છે. ભોલેનાથને પ્રસન્ન કરવા સૌથી સરળ છે, તેથી જ તેમને ભોલેનાથ કહેવામાં આવે છે. માટે ભક્તો મહાદેવને પ્રસન્ન કરવા માટે પૂજા અને વિવિધ ઉપાયો કરતા હોય છે. ખાસ કરીને સોમવાર ભગવાન શિવને સમર્પિત છે. જો આ દિવસે શિવલિંગ પર કેટલીક વસ્તુઓ ચઢાવવામાં આવે તો તે જલ્દી ખુશ થઈ જાય છે. તો હવે પ્રશ્ન એ થશે કે શિવલિંગ પર ચડાવવું શું ? તો આ અપનાવો આ રીત અને મેળવો ભોલેનાથની કૃપા…

ચોખા

ભગવાન ભોલેનાથની કૃપા મેળવવા માટે સોમવારે શિવલિંગ પર કાચા ચોખા ચઢાવો. જો કે, આ સમય દરમિયાન ધ્યાન રાખો કે ચોખાના દાણા તૂટેલા અથવા ચોખાના ટુકડા ન હોવા જોઈએ. આમ કરવાથી ભગવાન શંકર જલ્દી પ્રસન્ન થઈ જાય છે અને ભક્તોની દરેક મનોકામના પૂર્ણ કરે છે.

આર્થિક સંકટ

આ સાથે શિવલિંગ પર દરરોજ પાંચ દાણા ચોખા અર્પણ કરો. આમ કરવાથી વ્યક્તિના ઘરમાં હંમેશા ધન અને સમૃદ્ધિ બની રહે છે અને તેને ધન સંબંધિત સમસ્યાઓનો સામનો કરવો પડતો નથી.

આ પણ વાંચો : પરેશ રાવલના નિવેદનથી વિવાદ, રોહિંગ્યા મુસ્લિમોનો પર ટિપ્પણી કરતા વીડિયો વાઈરલ

દાન

સોમવારે શિવલિંગની પૂજા કરતી વખતે પૂજામાં 11 મુઠ્ઠી કાચા ચોખા રાખો. એક મુઠ્ઠી ચોખા શિવલિંગ પર અર્પણ કરો અને બાકીના ચોખા મંદિર અથવા કોઈ જરૂરિયાતમંદ વ્યક્તિને દાન કરો. આ ઉપાય સતત સાત સોમવાર સુધી કરવાથી ભગવાન શંકર પ્રસન્ન થાય છે અને ધન પ્રાપ્તિનો માર્ગ મોકળો થાય છે.