નુપુર શર્માની અરજી પર આજે સુનાવણી કરતા સુપ્રીમ કોર્ટે તેમને વચગાળાની રાહત આપી છે. નુપુર શર્માની ધરપકડ પર 10 ઓગસ્ટ સુધી રોક લગાવવામાં આવી છે. આ કેસની આગામી સુનાવણી તે જ દિવસે થશે. સુપ્રીમ કોર્ટે કેન્દ્ર સરકાર અને રાજ્ય સરકારોને (જ્યાં એફઆઈઆર નોંધાયેલ છે ત્યાં) નોટિસ પણ જારી કરી છે. કોર્ટમાં નૂપુર શર્માના વકીલે કહ્યું કે નુપુરને સતત ધમકીઓ મળી રહી છે. જુદા જુદા રાજ્યોમાં 9 એફઆઈઆરનો સામનો કરી રહેલી નુપુર શર્માએ પયગંબર મોહમ્મદ વિશેની ટિપ્પણી માટે ફરીથી સુપ્રીમ કોર્ટમાં અરજી કરી હતી. આ અંગે મંગળવારે સુનાવણી હાથ ધરવામાં આવી હતી.
Supreme Court issues notice to respondents on the Nupur Sharma plea. Supreme Court directs no coercive action should be taken against Nupur Sharma.
— ANI (@ANI) July 19, 2022
નુપુર સામે અલગ અલગ રાજ્યોમાં 9 એફઆઈઆર
પોતાની અરજીમાં નુપુરે કહ્યું હતું કે સુપ્રીમ કોર્ટના અવલોકનો (છેલ્લી સુનાવણી) બાદ તેમના જીવ પર ખતરો વધી ગયો છે. નૂપુરે કોર્ટ પાસે ધરપકડ પર પ્રતિબંધ મૂકવાની સાથે સાથે તમામ એફઆઈઆરને દિલ્હી ટ્રાન્સફર કરવાની અને તેમની સાથે મળીને સુનાવણી કરવાની માંગ કરી હતી. નુપુરના વકીલ મનિન્દર સિંહે સુપ્રીમ કોર્ટમાં જસ્ટિસ સૂર્યકાંત અને જસ્ટિસ પારડીવાલાની બેંચ સમક્ષ કહ્યું કે દિલ્હીમાં પહેલી એફઆઈઆર નોંધાઈ અને બાકીની જે એફઆરઆઈ નોધાઇ તે એક જ ઘટના પર છે. આવી સ્થિતિમાં દિલ્હીમાં જે એક એફઆઈઆર નોંધવામાં આવી છે તેના પર કાર્યવાહી થવી જોઈએ, અન્ય તમામ એફઆઈઆર પર પ્રતિબંધ મૂકવો જોઈએ, આ સાથે જો આ જ નિવેદન સાથે નવી એફઆઈઆર દાખલ કરવામાં આવે તો કોર્ટે તેને પણ રોકવી જોઈએ. વધુમાં જણાવાયું હતું કે કોઈની ધરપકડ કે અટકાયત કરવી જોઈએ નહીં. જેમાં કહેવામાં આવ્યું હતું કે સુપ્રીમ કોર્ટ મૂળભૂત અધિકારોની રક્ષક છે તેથી નૂપુરની સુરક્ષા સુનિશ્ચિત કરવી જોઈએ.
નુપુરના જીવને ગંભીર ખતરો: વકીલ
વકીલે કહ્યું- પટનાના કેટલાક લોકોના ફોનમાંથી નૂપુરનું સરનામું મળી આવ્યું હતું તેના પર સુપ્રીમ કોર્ટે કહ્યું કે અમે માત્ર એ જ જોઈશું કે તમે કાયદાકીય ઉપાયોથી વંચિત ન રહી જાઓ. સુપ્રીમ કોર્ટે વધુમાં પૂછ્યું કે શું તમે દિલ્હી હાઈકોર્ટમાં જવા માંગો છો? સુપ્રીમ કોર્ટમાં સુનાવણીની શરૂઆતમાં વકીલ મનિન્દર સિંહે કહ્યું કે નુપુરના જીવને ગંભીર ખતરો છે. એવું પણ કહેવામાં આવ્યું હતું કે પાકિસ્તાનમાંથી એક વ્યક્તિ પકડાયો છે. પટનાના કેટલાક લોકોના ફોનમાં નૂપુરના ઘરનું સરનામું મળી આવ્યું છે.
10 ઓગસ્ટ સુધી ધરપકડ પર રોક
નુપુર વતી કહેવામાં આવ્યું કે જો હું આવી સ્થિતિમાં દરેક કોર્ટમાં જાઉં તો મારો જીવ જોખમમાં છે. નૂપુરના વકીલે કહ્યું કે બંગાળમાં ચાર એફઆઈઆર નોંધવામાં આવી છે. આવી સ્થિતિમાં જોખમ પણ વધી ગયું છે. તેના પર જસ્ટિસ સૂર્યકાંતે કહ્યું કે અમે પણ નથી ઈચ્છતા કે તમે દરેક જગ્યાએ જાઓ. કોર્ટે કહ્યું કે તેઓ જેટલું સમજે છે તેટલું નૂપુર એક જગ્યાએ સાંભળવા માંગે છે. તેના પર તેમના વકીલે કહ્યું કે પહેલી એફઆઈઆર દિલ્હીમાં થઈ હતી, તેથી ત્યાં સુનાવણી થવી જોઈએ. બાદમાં સુપ્રીમ કોર્ટે આ મામલે સુનાવણી માટે 10 ઓગસ્ટની તારીખ નક્કી કરી હતી અને કેન્દ્ર અને રાજ્ય સરકારોને નોટિસ મોકલી હતી.
