દ્વારકા – સોમનાથ પહોંચવાનું થયું સરળ: જાણો ગુજરાત માટે કયા બે નવા એક્સપ્રેસ-વેને મળી મંજૂરી

• ગુજરાત સરકાર છ મહિનામાં ટેન્ડરિંગ કરશે તેવી ધારણા  
• અંબાજી, ધરોઈ, પોલો ફોરેસ્ટ, મોઢેરા, બેચરાજી, જામનગર, દ્વારકા, પોરબંદર અને સોમનાથ જેવા ઔદ્યોગિક કેન્દ્રો અને પર્યટન સ્થળોને જોડશે

ભુજ, 01 જુલાઇ 2025: Saurashtra Infrastructure Developement ગુજરાતના દરિયાકિનારાના પ્રસિદ્ધ તીર્થધામો સુધી પહોંચવા માટે હવે માળખાકિય સુવિધાઓ વધુ વિકસી રહી છે. દ્વારિકાના રાજા કૃષ્ણના દર્શન કરવા અને દેવાધિદેવ મહાદેવના પ્રથમ જ્યોતિર્લિંગ સોમનાથના દર્શન કરવા લાંબુ અંતર હોવા છતાં ઓછા સમયે પહોંચી શકાશે. કારણ કે એક્સપ્રેસ વેની ભેટ મળવાની છે અને વાહનો સડસડાટ દોડી શકશે.

અમદાવાદ સોમનાથ ચાર કલાકમાં પહોંચાશે!

ગુજરાત સરકારે ‘નમો શક્તિ એક્સપ્રેસવે’ અને ‘સોમનાથ-દ્વારકા એક્સપ્રેસવે’ને મંજૂરી આપી છે. આ એક્સપ્રેસવેનું ટેન્ડર કામ છ મહિનામાં પૂર્ણ થવાની ધારણા છે. ત્યારબાદ તેનું બાંધકામ શરૂ થશે. તેના નિર્માણ પછી, અમદાવાદથી સોમનાથનું અંતર 4 કલાકમાં પૂર્ણ થશે. એક્સપ્રેસવેના નિર્માણથી મુસાફરીનો સમય 30% સુધી ઘટી જશે.

કેટલા મહિનામાં તૈયાર થશે એક્સપ્રેસ વે?

આ વર્ષે બજેટમાં આ બે એક્સપ્રેસવેના નિર્માણની જાહેરાત કરવામાં આવી હતી. હવે તેને મંજૂરી આપવામાં આવી છે. આ બંને એક્સપ્રેસવેનો કાર્યકાળ 6 મહિનામાં પૂર્ણ થશે. ત્યારબાદ બાંધકામ 36 મહિનામાં પૂર્ણ થવાની ધારણા છે. આ હાઇવેનો વિકાસ જાહેર-ખાનગી ભાગીદારી (PPP) મોડેલ હેઠળ કરવામાં આવશે.

રાજ્યના કયા કયા વિસ્તારો આ ધોરીમાર્ગથી જોડાશે?

મુખ્યમંત્રીની અધ્યક્ષતામાં તાજેતરમાં મળેલી ઉચ્ચ સ્તરીય બેઠકમાં આ પ્રોજેક્ટની સમીક્ષા કરવામાં આવી હતી અને અધિકારીઓને શક્ય તેટલી વહેલી તકે ગ્રાઉન્ડ વર્ક શરૂ કરવા નિર્દેશ આપવામાં આવ્યો હતો. બંને એક્સપ્રેસવેનો ઉદ્દેશ્ય ગુજરાતના પૂર્વ-પશ્ચિમ અને ઉત્તર-દક્ષિણ જોડાણને મજબૂત બનાવવાનો છે.

એક્સપ્રેસવેથી પ્રવાસન સ્થળોએ પહોંચવામાં સરળતા  

નવો એક્સપ્રેસવે અંબાજી, ધરોઈ, પોલો ફોરેસ્ટ, મોઢેરા, બેચરાજી, જામનગર, દ્વારકા, પોરબંદર અને સોમનાથ જેવા ઔદ્યોગિક કેન્દ્રો અને પ્રવાસન સ્થળોને જોડશે. આ સાથે, બાવળા, સાણંદ, રાજકોટ-શાપર, પોરબંદર-કોડીનાર અને ધોલેરા સહિતના મુખ્ય ઔદ્યોગિક વિસ્તારો સાથે જોડાણમાં સુધારો થશે.

શું હશે આ પ્રજેક્ટમાં?

સોમનાથ-દ્વારકા એક્સપ્રેસવે: ખર્ચ ₹ 57,120 કરોડ

નમો શક્તિ એક્સપ્રેસવે: ખર્ચ ₹ 36,120 કરોડ

કુલ ખર્ચ: ₹ 93,240 કરોડ

કુલ લંબાઈ: 1,110 કિમી

આ જિલ્લાઓ જોડાશે: અમરેલી, બોટાદ, સુરેન્દ્રનગર, પાટણ, બનાસકાંઠા, અમદાવાદ, રાજકોટ, મોરબી, જામનગર, દેવભૂમિ દ્વારકા, પોરબંદર, જૂનાગઢ અને ગીર સોમનાથ.

દર 50 કિ.મી.એ ખાણીપીણી, શૌચાલય સહિતની સુવિધાઓ

એક્સપ્રેસવે સાથે કનેક્ટિવિટી સુનિશ્ચિત કરવા માટે લગભગ 42 ઇન્ટરચેન્જ બનાવવામાં આવશે. આ ઉપરાંત, હાઇવે પર દર 50 કિમી પર હળવા અને ભારે વાહનો માટે પાર્કિંગ, શૌચાલય, ગુણવત્તાયુક્ત ખોરાક અને પીણાની દુકાનો, ઇંધણ સ્ટેશન, તબીબી સેવાઓ અને અન્ય આવશ્યક સુવિધાઓ સહિત રસ્તાની બાજુની સુવિધાઓ પૂરી પાડવામાં આવશે. એક્સપ્રેસવેમાં ઓવરપાસ અને અંડરપાસનો સમાવેશ થશે જેથી જરૂર પડે ત્યાં સુરક્ષિત વન્યજીવ ક્રોસિંગની સુવિધા મળે.

આ પણ વાંચો:યે તો હોના હી થા: ટ્રમ્પને ભારત સાથે સરળતાથી વેપાર કરવો છે…. અમેરિકાએ જાહેર નિવેદનમાં મોદી સાથેની અકબંધ મિત્રતાનો કર્યો દાવો  

આ પણ વાંચો:અંજાર પાસે આવેલા કંડલા એરપોર્ટમાં વિસ્ફોટકો મૂકાયાની ઇમેઇલથી ધમકી