હવે વર્ચ્યુઅલ દુનિયામાં પણ થવા લાગ્યા દુષ્કર્મ

બ્રિટન, 07 જાન્યુઆરી : વર્ચ્યુઅલ દુનિયામાં પણ થયો ગેંગ રેપ, કેવી રીતે આભાસી દુનિયામાં ફરે છે દુષ્કર્મીઓ ? બ્રિટનમાં વર્ચ્યુઅલ રિયાલિટી વીડિયો ગેમમાં 16 વર્ષની છોકરી સાથે ગેંગરેપની ઘટના સામે આવી છે. બ્રિટનમાં આ પ્રકારનો પ્રથમ કેસ છે. બ્રિટિશ પોલીસે આ કેસની તપાસ શરૂ કરી છે. જોકે વર્ચ્યુઅલ વર્લ્ડમાં આ પહેલી ઘટના નથી. અત્યાર સુધી ઘણા દેશોમાં મેટાવર્સમાં સામૂહિક દુષ્કર્મ અને જાતીય હિંસાની ઘટનાઓ પ્રકાશમાં આવી છે.

દેશ અને દુનિયામાં એવી ઘણી જગ્યાઓ છે જે મહિલાઓ માટે બિલકુલ સુરક્ષિત માનવામાં આવતી નથી. વર્ચ્યુઅલ વર્લ્ડમાં દુષ્કર્મની ઘટનાઓ પછી એ સવાલ ઉઠવો સામાન્ય બની ગયો છે કે શું એવી કોઈ જગ્યા છે જ્યાં મહિલાઓ અને છોકરીઓ સુરક્ષિત હોય? વિશ્વભરમાં વર્ચ્યુઅલ વર્લ્ડમાં દુષ્કર્મ, ગેંગરેપ અને જાતીય હિંસાના કિસ્સાઓ વધી રહ્યા છે. હાલમાં જ બ્રિટનમાં 16 વર્ષની છોકરી પર વર્ચ્યુઅલ ગેંગ રેપની ઘટના સામે આવી છે. બ્રિટિશ પોલીસ આ મામલે તપાસ કરી રહી છે. બ્રિટનમાં આ પ્રકારનો પ્રથમ કેસ નોંધાયો છે.

મેટાવર્સમાં વર્ચ્યુઅલ રિયાલિટી ગેમમાં એક બ્રિટિશ યુવતી પર જાતીય હુમલો કરવામાં આવ્યો હતો. ડિજિટલ વિશ્વમાં લોકો VR હેડસેટ્સનો ઉપયોગ કરીને ઓનલાઈન અવતાર દ્વારા વાતચીત કરી શકે છે. આ ઘટનામાં અજાણ્યા લોકોના જૂથે વર્ચ્યુઅલ રિયાલિટી વિડિયો ગેમમાં 16 વર્ષની છોકરી સાથે ગેંગરેપ કર્યો હતો. પોલીસના જણાવ્યા અનુસાર છોકરીએ તે જ પ્રકારનો માનસિક અને ભાવનાત્મક આઘાત સહન કર્યો છે જે સામૂહિક દુષ્કર્મનો ભોગ બનેલી યુવતી વાસ્તવિક દુનિયામાં અનુભવે છે. વર્ચ્યુઅલ રિયાલિટી વિડિયો ગેમ્સમાં લોકોને એવું લાગે છે કે તેઓ પોતે તેનો એક ભાગ છે. આવી સ્થિતિમાં VR માં બનતી ઘટનાઓ તેમના મન પર સંપૂર્ણ અસર કરે છે.

વર્ચ્યુઅલ વર્લ્ડમાં બળાત્કારની મનોવૈજ્ઞાનિક અસર

વર્ચ્યુઅલ વર્લ્ડમાં ભાવનાત્મક અને મનોવૈજ્ઞાનિક અસર થાય છે, જે કોઈપણ શારીરિક ઈજા કરતાં લાંબા સમય સુધી ચાલે છે. આ કાયદા અમલીકરણ એજન્સીઓ માટે ઘણા નવા પડકારો છે. વાસ્તવમાં આવી ઘટનાઓનો સામનો કરવા માટે હજી સુધી કોઈ કાયદો બન્યો નથી. એક અહેવાલ મુજબ, વર્ચ્યુઅલ રેપ એ જાતીય શોષણ છે જે મેટાવર્સમાં ઓનલાઈન થાય છે. જો કે આમાં કોઈ શારીરિક હુમલો થતો નથી, પરંતુ તેનાથી માનસિક આઘાત અને પીડિતાના માનસિક સ્વાસ્થ્ય પર ખરાબ અસર થવાની સંભાવના છે. બ્રિટનમાં આ પ્રકારનો આ પહેલો કિસ્સો છે, પરંતુ વર્ચ્યુઅલ વર્લ્ડમાં આ કોઈ નવો કે પહેલો કિસ્સો નથી.

મેટાવર્સમાં જાતીય ગુનાઓ એકદમ સામાન્ય

બ્રિટનની નેશનલ પોલીસ ચીફ્સ ઇયાન ક્રિચલીએ કહ્યું કે, દુષ્કર્મીઓઓ માટે બાળકો અને મહિલાઓ વિરુદ્ધ ભયંકર ગુનાઓ કરવા માટે મેટાવર્સ સૌથી સરળ રસ્તો બની ગયો છે. તેમજ ફેબ્રુઆરી 2022 માં લંડનની નીના જેન પટેલે સાથે પણ મેટાવર્સ પ્લેટફોર્મ દ્વારા જાતીય સતામણી કરવામાં આવી હતી. જેમાં તેના અવતાર પર ગેંગરેપ થયો હતો. જ્યારે તેણે ભાગવાનો પ્રયાસ કર્યો ત્યારે તેઓએ તેના ફોટોગ્રાફ્સ લીધા હતા. આ ઘટના પછી તેની શારીરિક અને માનસિક પ્રતિક્રિયા એવી જ હતી કે જાણે તે ખરેખર બની રહી હોય. હુમલા દરમિયાન તે બેહોશ થઈ ગઈ હતી.

બાળકો અને મહિલાઓ

વર્ચ્યુઅલ વિશ્વમાં જાતીય સતામણીના કિસ્સાઓ ખૂબ જ સામાન્ય બની ગયા છે. બાળકો અને મહિલાઓ હુમલાખોરોના નિશાને છે. British non-profit organization Center for Countering Digital Hate દ્વારા ડિસેમ્બર 2021માં હાથ ધરવામાં આવેલા સંશોધનમાં જાણવા મળ્યું છે કે મેટાવર્સમાં જાતીય સતામણી અને હુમલાના ઘણા કિસ્સા નોંધાયા છે. મેટાવર્સમાં જાતીય સતામણી સામાન્યબની ગઈ છે. સંશોધન દરમિયાન તેને જાણવા મળ્યું કે, ઘણા વપરાશકર્તાઓ વર્ચ્યુઅલ રીતે અન્ય વપરાશકર્તાઓની જાતીય સતામણી કરતા હતા. તેમજ યુઝર્સને રેપની ધમકીઓ આપવામાં આવી હોવાના પુરાવા પણ એકત્ર કરવામાં આવ્યા હતા.

વર્ચ્યુઅલ બળાત્કાર માટે સજાની જોગવાઈઓ શું છે?

બ્રિટનમાં વર્ચ્યુઅલ વિશ્વમાં જાતીય અપરાધો માટે કોઈ કાર્યવાહી કરવામાં આવતી નથી. બ્રિટનના ગૃહ સચિવ જેમ્સ ક્લેવરલીએ જણાવ્યું હતું કે બ્રિટિશ કિશોરોએ ગેંગ રેપનો અનુભવ કર્યો છે. તેથી તેમણે આ મામલે તપાસને સમર્થન આપ્યું હતું. વિશ્વભરના નિષ્ણાતોને ચિંતા છે કે વર્ચ્યુઅલ સ્પેસ જાતીય ગુનેગારોનું હબ બની શકે છે. તેથી, તેઓ તમામ દેશોની સરકારો પાસે કાયદામાં તાત્કાલિક સુધારો કરવાની માંગ કરી રહ્યા છે.

મુશ્કેલીઓ શું છે?

ભારતીય લો ફર્મ એસોસિયેટનું કહેવું છે કે, મેટાવર્સમાં કાનૂન લાગુ કરવો મુશ્કેલ છે, તેમાં અનેક પડકારો છે. શારીરિક સ્પર્શ વિના જાતીય સતામણી સાબિત કરવા માટે કાયદામાં ફેરફારની જરૂર પડશે. બીજી મુશ્કેલી એ છે કે આવા કિસ્સાઓમાં કઈ એજન્સીઓ જવાબદાર હશે, કારણ કે પીડિત અને ગુનેગાર બંને જુદા જુદા દેશોના પણ હોઈ શકે છે.

આ પણ વાંચો : ગૌતમ અદાણીએ ફરી મેળવ્યું એશિયાના સૌથી અમીર વ્યક્તિ તરીકેનું સ્થાન