હવે હું તેમને કહું છુંઃ ડરો મત, ભાગો મતઃ રાહુલ ગાંધી પર પીએમ મોદીનો કટાક્ષ
- પીએમ મોદી ચૂંટણી પ્રચાર માટે પહોંચ્યા પશ્ચિમ બંગાળના બર્ધમાન
- ચૂંટણી રેલીને સંબોધતાં પીએમ મોદીએ રાહુલ ગાંધી પર કર્યા કટાક્ષ
પશ્ચિમ બંગાળ, 3 મે: દેશમાં લોકસભાની ચૂંટણી ચાલી રહી છે. વડાપ્રધાન નરેન્દ્ર મોદીએ શુક્રવારે (3 મે) બર્ધમાન પહોંચીને ચૂંટણી રેલીને સંબોધી હતી. આ દરમિયાન પીએમ મોદીએ કોંગ્રેસ અને રાહુલ ગાંધી પર કટાક્ષ કર્યા હતા. પીએમ મોદીએ કહ્યું કે, ‘મેં પહેલા જ કહ્યું હતું કે રાહુલ ગાંધી વાયનાડ હારી રહ્યા છે અને તેઓ નવી સીટ શોધી રહ્યા છે. તેમના શિષ્યો સ્પષ્ટપણે કહી રહ્યા હતા કે તેઓ અમેઠીથી ચૂંટણી લડશે. પરંતુ તેઓ એટલા ડરી ગયા છે કે તેઓ વાયનાડથી ભાગીને રાયબરેલી પહોંચી ગયા છે. તે દેશભરમાં ફરી ફરી ને લોકોને કહે છે કે ડરશો નહીં…ડરશો નહીં. આજે હું પણ કહેવા માંગુ છું કે ડરશો નહીં… ભાગશો નહીં.’
डरो मत…भागो मत… pic.twitter.com/INQ6i1DfIw
— Narendra Modi (@narendramodi) May 3, 2024
પહેલા કરતાં પણ ઓછી સીટોમાં કોંગ્રેસ સમેટાઈ જશે: પીએમ મોદી
પીએમ મોદીએ વધુમાં કહ્યું કે, ‘હું એ પણ જણાવવા માંગુ છું કે કોંગ્રેસ પહેલા કરતા ઓછી સીટોમાં સમેટાઈ જવાની છે. આ વખતે કોંગ્રેસ પહેલા કરતાં ઓછી બેઠકો પર ચૂંટણી લડી રહી છે. વિપક્ષી ગઠબંધન અંગે પીએમ મોદીએ કહ્યું કે તેઓ ચૂંટણીના મેદાનનો ઉપયોગ ચૂંટણી જીતવા માટે નહીં પરંતુ દેશના ભાગલા પાડવા માટે કરી રહ્યા છે. આ ગઠબંધન માત્ર એક વોટ બેંકને સમર્પિત છે.’
પીએમ મોદીએ કહ્યું કે, ‘આ ચૂંટણીનું પરિણામ સ્પષ્ટ છે. કોઈ અભિપ્રાય સર્વેની જરૂર નથી. મેં અગાઉ પણ કહ્યું હતું કે તેમના મોટા નેતાઓ ચૂંટણીનો સામનો નહીં કરે અને ભાગી જશે. તે રાજસ્થાનથી ભાગીને રાજ્યસભાના પાછલા દરવાજેથી સંસદ પહોંચી ગયા છે. કોંગ્રેસના રાજકુમાર વાયનાડમાં પણ ચૂંટણી હારી જવાના ડરથી તે બીજી સીટ શોધશે. વાયનાડ સીવાય અમેઠી બેઠક પરથી પણ તે લડતા ડરી ગયા છે અને રાયબરેલી ભાગ્યા છે. હું તેમને કહેવા માંગુ છું, ડરશો નહીં, ભાગશો નહીં.’
પીએમ મોદી આ પહેલા પણ રાહુલ ગાંધી પર કરી ચૂક્યા છે પ્રહાર
થોડા દિવસો પહેલા વડાપ્રધાન નરેન્દ્ર મોદીએ આણંદમાં જનસભાને સંબોધતા કોંગ્રેસ પર પ્રહારો કર્યા હતા. આ દરમિયાન તેમણે પાકિસ્તાનનો ઉલ્લેખ કરતા પૂર્વ કોંગ્રેસ અધ્યક્ષ રાહુલ ગાંધીને ઈશારા દ્વારા કટાક્ષ કર્યો હતો. પીએમ મોદીએ કહ્યું હતું કે પાકિસ્તાની નેતાઓ કોંગ્રેસ માટે પ્રાર્થના કરી રહ્યા છે અને પાકિસ્તાન રાજકુમારને ભારતના વડાપ્રધાન બનાવવા માટે ઉત્સુક છે.
આ પણ વાંચો: પાકિસ્તાન કોંગ્રેસના રાજકુમારને વડાપ્રધાન બનાવવા ઉતાવળું: PM મોદી
