હવે આખા રાજ્યમાં હિન્દુઓ આવ્યા સડક પરઃ ગેરકાયદે મસ્જિદો વિરુદ્ધ નારાજગી ચરમસીમાએ
શિમલા, 28 સપ્ટેમ્બર, 2024: મસ્જિદોના ગેરકાયદે બાંધકામો સામે હવે આખા હિમાચલ પ્રદેશમાં હિન્દુઓ દ્વારા ઠેરઠેર દેખાવો થઈ રહ્યા છે. થોડા સમય પહેલાં શિમલામાં શરૂ થયેલાં વિરોધ પ્રદર્શનો હવે આખા રાજ્યમાં ફેલાઈ રહ્યાં છે. હિંદુ સંગઠનો શિમલામાં તેમજ હિમાચલ પ્રદેશના 12 જિલ્લામાં મસ્જિદમાં થયેલા ગેરકાયદે બાંધકામને લઈને વિરોધ પ્રદર્શનો કરી રહ્યા છે. આ પ્રદર્શનોમાં મોટેભાગે સામાન્ય નાગરિકો દ્વારા ગેરકાયદે બાંધકામો સામે આક્રોશ વ્યક્ત કરવામાં આવી રહ્યો છે.
અહેવાલો મુજબ, શિમલામાં મસ્જિદની અંદર ગેરકાયદેસર બાંધકામનો મુદ્દો ફરી એકવાર જોર પકડી રહ્યો છે. મસ્જિદમાં ગેરકાયદેસર બાંધકામનો મુદ્દો શિમલાથી શરૂ થઈને હવે હિમાચલ પ્રદેશમાં ફેલાઈ રહ્યો હોય તેવું લાગે છે. શિમલા સહિત રાજ્યના માત્ર 12 જિલ્લામાં જ મસ્જિદોના ગેરકાયદે બાંધકામ સામે વિરોધ પ્રદર્શનો થયાં છે. હિમાચલ દેવભૂમિ સંઘર્ષ સમિતિનો આરોપ છે કે આ સમગ્ર મામલે રાજ્ય સરકારનું વલણ યોગ્ય નથી.
#WATCH | Shimla, Himachal Pradesh: Devbhoomi Sangharsh Samiti Organisation holds protest over the Sanjauli Mosque Row pic.twitter.com/AGylfquypx
— ANI (@ANI) September 28, 2024
હિમાચલ દેવભૂમિ સંઘર્ષના સંયોજક ભારત ભૂષણે પત્રકારોને જણાવ્યું હતું કે આ સમગ્ર મુદ્દે સરકારનું વલણ ઘણું નરમ છે. રાજ્ય સરકાર આ મુદ્દાને ગંભીરતાથી લઈ રહી નથી. આ મસ્જિદોમાં લાંબા સમયથી કોઈ પ્રતિબંધ વિના ગેરકાયદે બાંધકામ ચાલી રહ્યું છે. જ્યારે અમે આની સામે અવાજ ઉઠાવીએ છીએ ત્યારે પોલીસ અમારા કાર્યકરો વિરુદ્ધ કેસ નોંધે છે, જે બિલકુલ યોગ્ય નથી.
VIDEO | “This controversy was not about land; it was a media-created controversy. We informed our national general secretary, KC Venugopal ji, about the actual situation. I told him that in Himachal, for the past one and a half months, there have been issues like the Sanjauli… pic.twitter.com/1qKjFlau4T
— Press Trust of India (@PTI_News) September 28, 2024
નોંધપાત્ર છે કે, થોડા દિવસો પહેલાં પણ શિમલામાં મસ્જિદના ગેરકાયદે બાંધકામ સામે વિરોધ પ્રદર્શન કરવામાં આવ્યું હતું. આ પ્રદર્શન દરમિયાન મોટી સંખ્યામાં પ્રદર્શનકારીઓ પોલીસ બેરીકેટ્સ પાસે પહોંચી ગયા હતા. આ દરમિયાન તેણે બેરિકેડ તોડી અંદર જવાનો પ્રયાસ પણ કર્યો હતો. શરૂઆતમાં પોલીસે ભીડને કાબૂમાં લેવાનો પ્રયાસ કર્યો હતો પરંતુ ભીડને કાબૂમાં રાખવી મુશ્કેલ બની જતાં પોલીસે કેટલાક દેખાવકારો પર લાઠીચાર્જ કરી દીધો હતો. આ દરમિયાન પોલીસે હિન્દુ સંગઠનના કેટલાક કાર્યકરોની અટકાયત પણ કરી હતી.
સ્થાનિક લોકો અને હિન્દુ સંગઠનોનું કહેવું છે કે આ મસ્જિદનો વિવાદ સીધો તેના ગેરકાયદે બાંધકામ સાથે જોડાયેલો છે. તેઓ કહે છે કે, નિયમોની અવગણના કરીને આ મસ્જિદની અંદર ગેરકાયદે બાંધકામ કરવામાં આવ્યું છે. હકીકતે શિમલા મ્યુનિસિપલ કોર્પોરેશન અનુસાર, આ વિસ્તારમાં માત્ર ત્રણ માળથી નીચે બાંધકામની મંજૂરી છે. અત્યાર સુધી આ મસ્જિદમાં પાંચ માળ સુધીનું બાંધકામ કરવામાં આવ્યું છે. લોકો આ બાબતનો ખૂબ વિરોધ કરી રહ્યા છે.
શિમલામાં એક મસ્જિદના ગેરકાયદેસર બાંધકામને હિન્દુઓની નારાજગી હજુ શાંત થઈ નથી ત્યારે હિમાચલના મંડીમાં થોડા દિવસો પહેલા આવો જ એક કિસ્સો પ્રકાશમાં આવ્યો હતો. મંડીની મસ્જિદનો મામલો હાલમાં મ્યુનિસિપલ કોર્પોરેશન કમિશનર પાસે છે, મંડી શહેરના જેલ રોડમાં મસ્જિદના ગેરકાયદે બાંધકામ અંગે કમિશનર મોટો નિર્ણય આપી શકે છે. મંડીની આ મસ્જિદમાં થયેલા ગેરકાયદે બાંધકામની તપાસ માટે છ સભ્યોની કમિટી બનાવવામાં આવી હતી, જેણે પોતાનો રિપોર્ટ મ્યુનિસિપલ કોર્પોરેશન કમિશનરને સુપરત કર્યો છે.
આ પણ વાંચોઃ સોમનાથ મંદિર નજીક મેગા ડીમોલેશન: ગેરકાયદે બાંધકામો તોડી પડાયા, જૂઓ વીડિયો
