હવે જેહ-તૈમુરની ઝલક નહીં જોઈ શકે ફેન્સ, હુમલા બાદ સૈફ-કરીનાએ લીધો આ નિર્ણય
- બોલિવૂડ અભિનેત્રી કરીના કપૂર અને અભિનેતા સૈફ અલી ખાને લીધેલા એક નિર્ણય બાદ હવે ફેન્સ તેના દિકરાઓ જેહ-તૈમુરની ઝલક નહીં જોઈ શકે
29 જાન્યુઆરી, મુંબઈઃ અભિનેતા સૈફ અલી ખાન પર તાજેતરમાં જીવલેણ હુમલો થયો હતો. 16 જાન્યુઆરીના રોજ એક અજાણ્યો વ્યક્તિ ચોરી કરવાના પ્રયાસમાં તેના બાંદ્રાના ઘરમાં ઘૂસ્યો હતો અને અથડામણ દરમિયાન તેણે અભિનેતા પર છરી વડે અનેક વખત હુમલો કર્યો હતો. આ ઘટનામાં સૈફ ગંભીર રીતે ઘાયલ થયો હતો. જોકે હોસ્પિટલમાં સારવાર માટે 5 દિવસ રહ્યા બાદ અભિનેતા પોતાના ઘરે પરત ફર્યો છે. અકસ્માતની ગંભીરતાને જોતા સૈફ અને તેની પત્ની કરીના કપૂરે હવે તેમના પરિવાર માટે સખત નિર્ણય લીધો છે. તેમણે નક્કી કર્યું કે તે તેમના બાળકોને પાપારાઝીથી દૂર રાખશે.
પાપારાઝીને બાળકોની તસવીર લેવાનો ઈનકાર કર્યો
સૈફ અને કરીનાએ આ નિર્ણય એટલા માટે લીધો છે કે તેમના બાળકો અને પરિવારની પ્રાઈવસી જળવાઈ રહે. અહેવાલો અનુસાર, સ્ટાર કપલના પીઆર મેનેજરે મંગળવારે પાપારાઝી સાથે મીટિંગ કરી હતી, જેમાં તેમણે ફોટોગ્રાફર્સને કપલના ઘરની બહાર હાજર રહેવાની મનાઈ કરી હતી. જેહ અને તૈમુરની તસવીરો ન લેવાનું પણ કહ્યું હતું. સૈફ-કરીના અથવા તેમના પરિવારના સભ્યો જ્યારે ઘરની બહાર આવે કે જાય ત્યારે તેમની તસવીરો ન ખેંચવા વિનંતી કરવામાં આવી છે. જોકે તેમણે કહ્યું છે કે જ્યારે સૈફ કે કરીના કોઈ પણ ઈવેન્ટમાં જાય છે ત્યારે તેમની તસવીરો ચોક્કસ લઈ શકાય છે.
સૈફ સૈફ પર જીવલેણ હુમલો
16 જાન્યુઆરીની સવારે મુંબઈના બાંદ્રામાં સૈફ અલીના આલીશાન મકાનમાં તેની પર જીવલેણ હુમલો થયો હતો, ત્યારબાદ તેને હોસ્પિટલમાં લઈ જવામાં આવ્યો હતો, જ્યાં તેની સારવાર કરવામાં આવી હતી. અભિનેતાને 21 જાન્યુઆરીએ હોસ્પિટલમાંથી રજા આપવામાં આવી હતી.
આ પણ વાંચોઃ ફરહાન અખ્તરની ડોન 3માં નવી એન્ટ્રી, રણવીર સિંહને આપશે ટક્કર
