હવે મુખ્યમંત્રી અરવિંદ કેજરીવાલના PAની પૂછપરછ થશે, EDએ મોકલ્યું સમન્સ
- દિલ્હી લિકર પોલિસી કેસમાં અરવિંદ કેજરીવાલના ખાનગી સચિવને સમન્સ મોકલાયા
- સીબીઆઈ અને ઈડી બંને આ મામલે સંયુક્ત રીતે તપાસ કરી રહ્યા છે
- આ કેસમાં EDએ અત્યાર સુધીમાં 9 આરોપીઓની ધરપકડ કરી
એન્ફોર્સમેન્ટ ડિરેક્ટોરેટે દિલ્હી એક્સાઇઝ પોલિસીમાં કથિત કૌભાંડની તપાસના સંદર્ભમાં દિલ્હીના મુખ્યમંત્રી અરવિંદ કેજરીવાલના ખાનગી સચિવને સમન્સ મોકલ્યા છે.
આ વાંચો : દિલ્હી એરપોર્ટ પરથી પવન ખેડાની ધરપકડ કરવાનો પ્રયાસ, કોંગ્રેસના નેતા ધરણા પર બેઠા
દિલ્હી લિકર પોલિસી કેસની તપાસ કરી રહેલી કેન્દ્રીય તપાસ એજન્સી EDએ દિલ્હીના સીએમ અરવિંદ કેજરીવાલના પીએને પૂછપરછ માટે સમન્સ મોકલ્યું છે. EDએ કહ્યું કે, તે દિલ્હી એક્સાઇઝ કૌભાંડ સંબંધિત મામલામાં મુખ્યમંત્રીના સચિવને કેટલાક પ્રશ્નો પૂછવા માંગે છે, તેથી તેણે મુખ્યમંત્રીના સચિવને સમન્સ પાઠવ્યા છે. સીબીઆઈ અને ઈડી બંને આ મામલે સંયુક્ત રીતે તપાસ કરી રહ્યા છે. સીબીઆઈ દ્વારા નોંધાયેલી એફઆઈઆરના આધારે, ઇડી મની લોન્ડરિંગ એક્ટ હેઠળ પણ આ મામલાની તપાસ કરી રહી છે. આ કેસમાં EDએ અત્યાર સુધીમાં 9 આરોપીઓની ધરપકડ કરી છે.
The Enforcement Directorate has summoned Delhi Chief Minister Arvind Kejriwal's PA for questioning in connection with its ongoing probe into the excise scam. pic.twitter.com/Ze1hpawuoi
— ANI (@ANI) February 23, 2023
CBI અને EDએ મળીને અત્યાર સુધી આમ આદમી પાર્ટીના બે મોટા નેતાઓ મનીષ સિસોદિયા અને સત્યેન્દ્ર જૈન સામે કાર્યવાહી કરી છે. સત્યેન્દ્ર જૈન હાલમાં અનેક કેસમાં દિલ્હીની તિહાડ જેલમાં બંધ છે. તો બીજી તરફ દિલ્હીના ડેપ્યુટી સીએમ મનીષ સિસોદિયાની મુશ્કેલીઓ પણ ઓછી થવાનું નામ નથી લઈ રહી.
આ પણ વાંચો : ઠગ સુકેશ ચંદ્રશેખર જેલમાં રડવા લાગ્યો, સેલમાંથી 1.5 લાખની કિંમતના શૂઝ મળ્યા
CBIએ મનીષ સિસોદિયા પર FIR નોંધી?
આગલા દિવસે જ, દિલ્હીના એલજીએ ગુપ્તચર રાજકીય માહિતી એકત્ર કરવા સંબંધિત કેસમાં દિલ્હીના નાયબ મુખ્યમંત્રી મનીષ સિસોદિયા સામે કેસ ચલાવવા માટે સીબીઆઈને મંજૂરી આપી છે, જેણે તેમના માટે નવી સમસ્યા ઊભી કરી છે.
દિલ્હીના લેફ્ટનન્ટ ગવર્નરને પ્રિન્સિપલ સેક્રેટરીને મોકલવામાં આવેલા પત્રમાં કેન્દ્રીય ગૃહ મંત્રાલયે જણાવ્યું હતું કે ભ્રષ્ટાચાર નિવારણ અધિનિયમ, 1988ની કલમ 17 હેઠળ સિસોદિયા સામે કેસ ચલાવવાની મંજૂરી આપવામાં આવી છે. ટ્વીટર પર સિસોદિયાએ કેન્દ્ર સરકારના આ પગલાની ટીકા કરી હતી.
