હવે WhatsApp પર જ મેળવી શકાશે આધાર કાર્ડ અને પાન કાર્ડ

WhatsApp એક લોકપ્રિય ઇન્સ્ટન્ટ મેસેજિંગ એપ્લિકેશન છે. સમગ્ર વિશ્વમાં તેના ઘણા વપરાશકર્તાઓ છે. વોટ્સએપ પર લોકોને ઘણી સેવાઓ આપવામાં આવે છે. ભારતીય રેલ્વેમાં જમવાથી લઈને ઓનલાઈન ટિકિટ બુક કરાવવા સુધીની દરેક વસ્તુ માટે લોકોએ હવે WhatsAppનો ઉપયોગ કરવાનું શરૂ કર્યું છે. ભારત સરકાર વોટ્સએપ પર નાગરિકોને કેટલીક સુવિધાઓ પણ આપી રહી છે. હવે સરકારી દસ્તાવેજો ડાઉનલોડ કરવા માટે પણ WhatsAppનો ઉપયોગ કરી શકાશે. તમે WhatsApp પરથી જ તમારું આધાર કાર્ડ અને પાન કાર્ડ ડાઉનલોડ કરી શકો છો. ચાલો આ વિશે વિગતવાર જાણીએ.

આ પણ વાંચો  :  WhatsApp ‘મેસેજ યોરસેલ્ફ’ ફીચર, જાણો-તેનો ઉપયોગ

DigiLockerની મદદથી ડાઉનલોડ થઈ શકશે દસ્તાવેજો 

ભારત સરકારના ઈ-ગવર્નન્સ પોર્ટલ પરથી અનેક પ્રકારની સેવાઓનો આનંદ માણી શકો છો. આમાં, DigiLockerની મદદથી PAN અને આધારકાર્ડ પણ સરળતાથી ડાઉનલોડ કરી શકાય છે. લોકોને DigiLockerની વિવિધ સેવાઓ આપવા માટે વોટ્સએપ પર એક ચેટબોટ પણ લોન્ચ કરવામાં આવ્યો છે. આ દ્વારા પહેલા સત્તાવાર વેબસાઇટ્સ પર જઈ પછી આધાર અને PAN સરળતાથી ડાઉનલોડ કરી શકાશે.

DigiLocker સાથે લિંક કરો

જો તમે સરકારના આ વોટ્સએપ ચેટબોટ દ્વારા તમારું આધાર કાર્ડ ડાઉનલોડ કરવા માંગો છો, તો તમારે તમારા આધાર અને PAN વિગતો DigiLocker પર સેવ કરવી પડશે. આ માટે, તમે Android અથવા iOS ઉપકરણ પર DigiLocker એપ ડાઉનલોડ કરીને લોગ ઇન કરી શકો છો. આ પછી, તમારા વોટ્સએપ નંબરનો ઉપયોગ કરીને, DigiLocker સાથે આધાર અને PAN સેવાને લિંક કરવાનું રહેશે.

WhatsApp દ્વારા PAN અને આધાર કાર્ડ કેવી રીતે ડાઉનલોડ કરવું

• WhatsApp દ્વારા આધાર કાર્ડ અને પાન કાર્ડ ડાઉનલોડ કરવા માટે અહીં જણાવેલ સ્ટેપ્સને અનુસરો.
• સૌથી પહેલા તમારા ફોનમાં WhatsApp ઓપન કરો.
• 9013151515 મોબાઈલ નંબર કોઈપણ નામ સાથે સેવ કરો.
• હવે આ નંબર પર “હેલો” અથવા “નમસ્તે” મોકલીને ચેટ શરૂ કરો.
• ચેટબોટ તમને “DigiLocker સેવાઓ” અથવા “Co-Win Services” વચ્ચે પસંદ કરવાનું કહેશે.
• તમે વિકલ્પમાં DigiLocker પસંદ કરો.
• શું તમારી પાસે DigiLocker એકાઉન્ટ છે?  જ્યારે પૂછવામાં આવે ત્યારે ‘હા’ મોકલો.
• હવે તમને તમારો આધાર નંબર પૂછવામાં આવશે.
• આ પછી, બધી લિંક કરેલી સેવાઓ સ્ક્રીન પર બતાવવામાં આવશે.
• આધાર અને PAN ના વિકલ્પમાંથી નોંધણી નંબર ફાઇલ પર ક્લિક કરો.
• આ પછી ચેટબોટ તમને તમારા આધાર અને પાન કાર્ડની પીડીએફ મોકલશે, જેને તમે ડાઉનલોડ કરી શકો છો.