જાણીતા ગાયક કૈલાસ ખેરે હીરાબાને આપી શ્રદ્ધાંજલિ, તેમના ઘરે જઈ સ્તુતિ ગાઈ હતી

વડાપ્રધાન નરેન્દ્ર મોદીના માતા હીરાબાના નિધન થયાને દશ દિવસ જેવો સમય વીતી ગયો છે. ત્યારે ગાંધીનગર ખાતે તેમના નિવાસસ્થાને જાણીતા ગાયક કૈલાસ ખેર પહોંચ્યા હતા તેઓએ પરિવારના સભ્યોને સાંત્વના પાઠવી હતી અને ત્યાં હીરાબાને યાદ કરી સ્તુતિ ગાઈ હતી.

શ્રદ્ધાંજલિ અંગે ખેરે વીડિયો કર્યો હતો ટ્વિટ

પીએમના માતાના નિધન બાદ તેમને અનેક લોકોએ શ્રદ્ધાંજલિ પાઠવી હતી. દેશ વિદેશના દિગ્ગજ નેતાઓ, હસ્તીઓએ હીરાબાને શ્રદ્ધાંજલિ આપી હતી. ગુજરાતમાં પણ વડનગરમાં લોકો શોકાતુર બન્યાં હતાં. ત્યારે કૈલાશ ખેરે હીરાબાને સ્તુતિ ગાઈને હીરાબાને શ્રદ્ધાંજલિ અર્પણ કરી હતી. જે અંગે કૈલાશ ખેરે ટ્વિટર પર ટ્વિટ કરીને કહ્યું હતું કે, પરમ પિતા પરમેશ્વરની દયા દ્રષ્ટિ, ગુરુમહારાજની કૃપાથી આપણા પીએમ મોદીના પરિવાર સાથે માં હીરાબાને સ્તુતિ વંદન કરીને સૌભાગ્ય પ્રાપ્ત થયું. માં હીરાબા તો પંચ તત્વમાં વિલીન થઈને પણ સંસ્કાર સ્વરૂપિણી ભગીરથી બનીને પરિવારજનોમાં સ્થાપિત થઈ ગયાં. આજના પ્રારબ્ધને નમન.

परम पिता परमेश्वर की दया दृष्टि,गुरु महाराज की कृपा से हमारे आदर्श पीएम @narendramodi जी के परिवार संग माँ को स्तुति वन्दन करने का सौभाग्य प्राप्त हुआ.माँ हीरा बा तो पंच तत्व विलीन होकर भी संस्कार स्वरूपिणी भागीरथी बन सब परिवार जनों में स्थापित हो गईं.आज के प्रारब्ध को नमन.हरि ॐ pic.twitter.com/jd1gTYoj5j

— Kailash Kher (@Kailashkher) January 6, 2023