માત્ર ચીન જ નહી ભારત પણ છે, સાયન્સ અને ટેકનોલોજીમાં આગળ
ભારતનું પહેલું ડ્રોન જે મનુષ્યને લઈ જવા અને ઉડાન ભરવા સક્ષમ છે. તે ભારતીય નૌકાદળ માટે બનાવવામાં આવ્યું છે. શરૂઆતમાં તેનો ઉપયોગ માલની હેરફેરમાં કરવામાં આવશે. ત્યારપછી તેનો ઉપયોગ મનુષ્યોના પરિવહન માટે કરવામાં આવશે.
ભારતીય સંરક્ષણ સ્ટાર્ટઅપ સાગર ડિફેન્સે દેશનું પહેલું ડ્રોન તૈયાર કર્યું છે, જે માણસ સાથે ઉડી શકે છે. વ્યક્તિએ ફક્ત તેમાં બેસવાનું છે. તે સિવાય તેને કંઈ કરવાનું નથી. ડ્રોન તેને એક જગ્યાએથી બીજી જગ્યાએ લઈ જશે. તે દૂરથી સંચાલિત થાય છે.સાગર ડિફેન્સના સ્થાપક અને સીઈઓ નિકુંજ પરાશરે કહ્યું કે અમે અમારા ડ્રોનનું પ્રદર્શન વડાપ્રધાન નરેન્દ્ર મોદીને બતાવ્યું. આ દેશનું પ્રથમ ઈલેક્ટ્રોનિક હ્યુમન કેરીંગ પ્લેટફોર્મ છે (ભારતનું પ્રથમ ઈલેક્ટ્રોનિક માનવ વહન પ્લેટફોર્મ). હાલમાં તે જમીનથી બે મીટર સુધી ઉડી શકે છે.
નિકુંજ પરાશરે કહ્યું કે અમે તેને ભારતીય નૌકાદળ માટે બનાવ્યું છે. જેથી માલસામાનની હેરફેર સરળતાથી થઈ શકે. આ ડ્રોનનું નામ વરુણ છે. તેમાં ચાર ઓટોપાયલટ મોડ છે. જે તેને સતત ઉડવાની ક્ષમતા આપે છે જો તેના કેટલાક રોટરને નુકસાન થાય તો પણ. તેનું ટ્રાયલ જમીન પર કરવામાં આવ્યું છે, અમે આગામી ત્રણ મહિનામાં તેનું દરિયાઈ ટ્રાયલ કરીશું.
PM #Modi witnesses flight trials of '#Varuna' personal air mobility vehicle built by Sagar Defence Engineering. pic.twitter.com/Tm3Gd1bDjs
— IDU (@defencealerts) July 19, 2022
અત્યારે જે ટેસ્ટ ચાલી રહ્યા છે તેમાં એ વાતની પુષ્ટિ થઈ છે કે આ ડ્રોનની મદદથી સામાનને એક જહાજમાં મૂકીને બીજા જહાજમાં લઈ જઈ શકાય છે. અથવા દર્દીને હોસ્પિટલમાં લઈ જઈ શકાય છે. તેની રેન્જ 25 કિમી છે. તે 130 કિલોગ્રામ પેલોડ ઉપાડીને એક જગ્યાએથી બીજી જગ્યાએ જઈ શકે છે. તેની ફ્લાઇટનો સમય 25 થી 33 મિનિટનો છે. સાગર ડિફેન્સને આ પ્રોજેક્ટ નેવી પાસેથી મળ્યો છે. કંપનીને કહેવામાં આવ્યું કે તમે આ પ્રોજેક્ટ દોઢ વર્ષમાં પૂરો કરો.
