માત્ર આલ્કોહોલ જ નહીં, વ્હાઈટ બ્રેડથી પણ થઈ શકે છે કેન્સર!

અમદાવાદ, 14 માર્ચ : કેન્સર એ એક ગંભીર બીમારી છે, જે કોઈપણ વ્યક્તિને કોઈપણ ઉંમરે થઈ શકે છે. આ રોગ શરીરના કોઈપણ ભાગમાં થઈ શકે છે અને ઘણીવાર કોઈ લક્ષણો વિના થાય છે. કેન્સરના ઘણા પ્રકારો છે, જેમ કે મગજનું કેન્સર, પેટનું કેન્સર, ગર્ભાશયનું કેન્સર, સ્તન કેન્સર અને ઘણા બધા, જેમાંથી એક કોલોરેક્ટલ કેન્સર છે, જે વિશ્વભરમાં ત્રીજું સૌથી સામાન્ય કેન્સર છે.

કોલોરેક્ટલ કેન્સરના લક્ષણો

વર્લ્ડ હેલ્થ ઓર્ગેનાઈઝેશન (ડબ્લ્યુએચઓ) ના એક રિપોર્ટ અનુસાર, એક સંશોધનમાં જાણવા મળ્યું છે કે સફેદ બ્રેડ અને આલ્કોહોલનું સેવન કોલોરેક્ટલ કેન્સરનું જોખમ વધારે છે. કોલોરેક્ટલ કેન્સર ઘણીવાર અનિયમિત ખાનપાન, ધૂમ્રપાન અને વધુ પડતા આલ્કોહોલ પીવાના કારણે થાય છે. કેન્સરના અમુક લક્ષણો જેવા કે, વજન ઘટવું, થાક, એનિમિયા, અસ્પષ્ટ તાવ, વિચિત્ર ગાઠ્ઠો, ચેપ અને અન્ય સમસ્યાઓનો સમાવેશ થાય છે.

ધૂમ્રપાન ન કરવું 

સફેદ બ્રેડમાં રિફાઈન્ડ લોટ હોય છે, જે શરીરમાં ઇન્સ્યુલિનનું સ્તર વધારે છે. જ્યારે વાઇનમાં આલ્કોહોલ હોય છે, જે કેન્સરને પ્રોત્સાહન આપે છે. આ સિવાય આલ્કોહોલના સેવનથી શરીરમાં ઓક્સિડેટીવ સ્ટ્રેસ વધે છે, જે કેન્સરના વિકાસમાં મહત્વની ભૂમિકા ભજવે છે. કેન્સરને સંપૂર્ણપણે અટકાવવું મુશ્કેલ છે, પરંતુ કેટલીક બાબતો છે જે તમે જાતે કરી શકો છો, જેમાં ધૂમ્રપાન ન કરો, આરોગ્યપ્રદ ખોરાક ખાઓ, નિયમિતપણે કસરત કરો, તમારું વજન નિયંત્રિત કરો, દારૂનું સેવન મર્યાદિત કરો. નિયમિત આરોગ્ય તપાસ કરાવો.

સ્ક્રીનીંગ પરીક્ષણો

હેલ્ધી ડાયટ ફોલો કરીને કેન્સરનું જોખમ ઘટાડી શકાય છે. તમારા આહારમાં અનાજ, ફળો, શાકભાજી અને પ્રોટીનના સ્ત્રોતોનો સમાવેશ કરો. આ સિવાય આલ્કોહોલ પીવાનું ટાળો અને નિયમિત કસરત કરો, જે તમને સ્વસ્થ રહેવામાં મદદ કરશે. જેથી કેન્સરનું જોખમ ઘટાડી શકાય છે. કેન્સરના જોખમને ઓળખવા માટે સમયાંતરે ડૉક્ટરની સલાહ લેવી અને સ્ક્રીનીંગ ટેસ્ટ કરાવવાનું પણ મહત્ત્વનું છે.

આ પણ વાંચો : વીડિયો: આજે યમરાજને પણ જોઈ લીધા! એક વ્યક્તિ પાડો લઈને નીકળ્યો ચા પીવા