ચીન સાથેના ઉત્તર કોરિયાના સરહદી વિસ્તારમાં તાવના નવા કેસ તપાસ બાદ કોરોના વાયરસના નહીં. પરંતુ ઈન્ફલ્યુએન્ઝાના હોવાનું જાણવા મળ્યું છે. દેશની સત્તાવાર કોરિયન એજન્સીએ અહેવાલ આપ્યાના એક દિવસ પછી ઉત્તર કોરિયાએ કહ્યું કે તેણે રીઆંગંગ પ્રાંતના વિસ્તારોમાં લોકડાઉન લાદી દીધું છે. જ્યાં ચાર લોકોને તાવ હતો અને તેઓને COVID-19 હોવાનું નિદાન થયું હતું.
કોરોનાના કોઈ કેસની પુષ્ટિ થઈ નથી-ઉત્તર કોરિયા
ઉત્તર કોરિયાએ કહ્યું-10 ઓગસ્ટ પછી દેશમાં કોરોના વાયરસના કોઈ કેસની પુષ્ટિ થઈ નથી. ઉત્તર કોરિયાના નેતા કિમ જોંગ ઉને દેશમાં ઓમિક્રોન વેરિઅન્ટના ફાટી નીકળવાની વાતને સ્વીકાર્યાના ત્રણ મહિના પછી વાયરસ પર વ્યાપક વિજય જાહેર કર્યો. કેસીએનએએ જણાવ્યું હતું કે નમૂનાઓની તપાસ, લક્ષણોની પ્રકૃતિ અને દર્દીઓના સંપર્કમાં આવેલા લોકો પાસેથી મળેલી માહિતીના આધારે આરોગ્ય કર્મચારીઓએ તારણ કાઢ્યું હતું કે તાવ ઈન્ફલ્યુએન્ઝાથી થયો હતો.
દેશમાં મૃત્યુઆંક 74 થયો
ઉત્તર કોરિયાના અધિકારીઓએ લોકડાઉન હટાવ્યું છે, પરંતુ રહેવાસીઓને માસ્ક પહેરવાનું ચાલુ રાખવા અને તાવના લક્ષણો લાગે તો તરત જ આરોગ્ય અધિકારીઓને સૂચિત કરવા વિનંતી કરી છે. ઉત્તર કોરિયાએ મે મહિનામાં કોરોના વાયરસના પ્રકોપનો સ્વીકાર કર્યા પછી, લગભગ 48 મિલિયન લોકોએ તાવના લક્ષણો નોંધ્યા હતા, પરંતુ તેમાંથી થોડા લોકો કોરોના વાયરસથી સંક્રમિત થયા હોવાનું નોંધાયું હતું.
નિષ્ણાતો કહે છે કે દેશમાં મૃત્યુઆંક 74 નોંધાયો છે, જે જાહેર આરોગ્ય સાધનોના અભાવને કારણે અસામાન્ય રીતે ઓછો છે. ઉત્તર કોરિયાએ દક્ષિણ કોરિયા પર કોરોના સંક્રમણ ફેલાવવાનો આરોપ લગાવ્યો છે. ઉત્તર કોરિયાએ ભારપૂર્વક કહ્યું કે દેશમાં કોવિડ-19ના ફેલાવા માટે દક્ષિણ કોરિયા જવાબદાર છે. ઉત્તર કોરિયાએ તેને ગંભીર પરિણામોની ચેતવણી પણ આપી છે.
પ્યોંગયાંગમાં એક મીટિંગ દરમિયાન કિમની કોરોના પર જીતની ઘોષણા બાદ તેની બહેને કહ્યું કે એન્ટી વાયરસ અભિયાન ચલાવતી વખતે કિમને તાવ આવ્યો હતો. તેણે દક્ષિણ કોરિયા પર ગંભીર આરોપ લગાવ્યા હતા. ઉત્તર કોરિયાનો દાવો છે કે દક્ષિણ કોરિયાએ તેના દેશમાં ચેપ લાવવાનું કામ કર્યું છે.
