Noida Airportથી ફ્લાઈટ ઉડાન ભરવા તૈયાર, જાણો ક્યારે અને ક્યાથી લેશો સુવિધા
નોઈડા, 12 નવેમ્બર : નોઈડા એરપોર્ટથી ફ્લાઈટનું કાઉન્ટડાઉન શરૂ થઈ ગયું છે. અહીં 15 નવેમ્બરથી પ્લેનનું ટ્રાયલ રન શરૂ થવાનું છે. આ ટ્રાયલ રનમાં વિવિધ રાજ્યોની ફ્લાઈટ્સ અહીંથી ઉતરશે અને રવાના થશે. આ ટ્રાયલ રન 15 ડિસેમ્બર સુધી લગભગ એક મહિના સુધી ચાલશે. જો કે, આ ટ્રાયલ રન દરમિયાન ઓપરેટ થતી આ ફ્લાઈટ્સ પર કોઈ પેસેન્જર રહેશે નહીં.
નોઈડા એરપોર્ટ પર આ ટ્રાયલ રન માટે સંપૂર્ણ તૈયારીઓ કરી લેવામાં આવી છે. દિલ્હી, લખનૌ સહિત અન્ય એરપોર્ટના મેનેજમેન્ટનો સંપર્ક કરવામાં આવ્યો છે. ટ્રાયલ રન દરમિયાન એક દિવસ એટલે કે 30 નવેમ્બરે વિમાન અહીં મુસાફરો સાથે રનવે પર લેન્ડિંગ કરશે. આ માટે પરવાનગી લેવામાં આવી રહી છે. આ ટ્રાયલમાં રનવે પર વિમાનના લેન્ડિંગ અને ડિપાર્ચર દરમિયાન સુવિધાઓનું નિરીક્ષણ કરવામાં આવશે.
Excited for the upcoming Noida International Airport. Here is a breakdown..https://t.co/93i9UHTBHW
— Neetika jha (@JhaNeetika12) November 12, 2024
30 ફ્લાઈટ્સ ઓપરેટ કરવાની યોજના
મળતી માહિતી મુજબ, વડાપ્રધાન નરેન્દ્ર મોદીએ 26 નવેમ્બર 2021ના રોજ નોઈડા એરપોર્ટના નિર્માણ કાર્યનો શિલાન્યાસ કર્યો હતો. એપ્રિલ 2025થી અહીં કોમર્શિયલ ફ્લાઈટ્સ શરૂ થવાની છે. ઉલ્લેખનીય છે કે પહેલા દિવસમાં કુલ 30 ફ્લાઈટ્સ ઓપરેટ કરવાની યોજના છે. જેમાં 25 સ્થાનિક, ત્રણ આંતરરાષ્ટ્રીય અને બે કાર્ગો ફ્લાઈટનો સમાવેશ થશે.
પ્રથમ ફ્લાઇટ સિંગાપોર માટે ઉપડશે
માહિતી અનુસાર, નોઈડા એરપોર્ટથી પ્રથમ ફ્લાઈટ 17 એપ્રિલ 2025ના રોજ સિંગાપોર અને પછી દુબઈ જશે. એરપોર્ટનું મોટા ભાગનું નિર્માણ કાર્ય પૂર્ણ થઈ ગયું છે, તે વિશ્વનું પાંચમું સૌથી મોટું એરપોર્ટ હશે. તમે પ્રથમ ફ્લાઇટના 90 દિવસ પહેલા ફ્લાઇટ ટિકિટ બુક કરી શકશો. આ અંગે યમુના ડેવલપમેન્ટ ઓથોરિટીના સીઈઓ ડો.અરુણવીર સિંહે જણાવ્યું હતું કે એરપોર્ટ પર ફ્લાઈંગ માટે જરૂરી લાઈસન્સ માટેની અરજી અને રનવેનું ટેસ્ટિંગ 15 નવેમ્બરથી શરૂ થશે. આ સમયગાળા દરમિયાન, ઘણી એરલાઇન્સના વિમાનો એરપોર્ટ પર ઉતરશે.
આ પણ વાંચો : પૂર્વ CM ઉદ્ધવ ઠાકરેના હેલિકોપ્ટરનું ફરી ચેકિંગ કરવામાં આવ્યું, શિવસેના UBT ભડકી
