રેસલર્સ પાસેથી કોઈ સુરક્ષા પાછી લેવામાં આવી નથી: વિનેશ ફોગાટની પોસ્ટ બાદ દિલ્હી પોલીસની સ્પષ્ટતા

• ઓલિમ્પિયન વિનેશ ફોગાટે દિલ્હી પોલીસ પર આરોપ મૂક્યો હતો

નવી દિલ્હી, 23 ઓગસ્ટ: ઓલિમ્પિયન વિનેશ ફોગાટે ગુરુવારે પૂર્વ રેસલિંગ ફેડરેશન ઓફ ઈન્ડિયા (WFI)ના પ્રમુખ બ્રિજભૂષણ શરણ સિંહ સામે જુબાની આપનારી મહિલા કુસ્તીબાજોની સુરક્ષા પાછી ખેંચી લેવાનો દિલ્હી પોલીસ પર આરોપ મૂક્યો હતો. વિનેશ ફોગાટ દ્વારા દિલ્હી પોલીસ પર આ આરોપ લગાવ્યા બાદ હંગામો મચી ગયો હતો. દિલ્હી પોલીસે આ આરોપને આજે શુક્રવારે નકારી કાઢ્યો છે અને ટ્વિટ કરીને લખ્યું છે કે, “રેસલર્સ પાસેથી કોઈ સુરક્ષા પાછી લેવામાં આવી નથી.”

 

The assigned Delhi Police PSOs misunderstood this decision and got delayed in reporting today. The situation has been rectified. Security cover continues.

— DCP New Delhi (@DCPNewDelhi) August 22, 2024

વિનેશ ફોગાટના આરોપ પર દિલ્હી પોલિસનો જવાબ 

ફોગાટે X પર ટ્વિટ કરીને લખ્યું હતું કે, “દિલ્હી પોલીસે તે મહિલા કુસ્તીબાજોની સુરક્ષા પાછી ખેંચી લીધી છે જેઓ બ્રિજ ભૂષણ વિરુદ્ધ કોર્ટમાં જુબાની આપવાની છે.” પૂર્વ કુસ્તીબાજના આ ટ્વીટનો જવાબ આપતા દિલ્હી પોલીસે સ્પષ્ટતા કરી છે કે, કુસ્તીબાજોને આપવામાં આવેલી સુરક્ષા પાછી લેવામાં આવી નથી. પરંતુ હરિયાણા પોલીસને ભવિષ્યમાં આ જવાબદારી સંભાળવા વિનંતી કરવાનો નિર્ણય લેવામાં આવ્યો છે, કારણ કે સુરક્ષા હેઠળના લોકો સામાન્ય રીતે ત્યાં રહે છે. સુરક્ષા માટે તૈનાત દિલ્હી પોલીસના ખાનગી સુરક્ષા અધિકારીઓએ આ નિર્ણયનું ખોટું અર્થઘટન કર્યું અને કુસ્તીબાજોની સુરક્ષા માટે ગુરુવારે મોડા પહોંચ્યા. જેમાં સુધારો કરવામાં આવ્યો છે અને સતત સુરક્ષા આપવામાં આવી રહી છે.

 

जिन महिला पहलवानों की बृजभूषण के ख़िलाफ़ कोर्ट में गवाहियाँ होने वाली हैं, दिल्ली पुलिस ने उनकी सुरक्षा हटा ली है @DelhiPolice @DCWDelhi @NCWIndia

— Vinesh Phogat (@Phogat_Vinesh) August 22, 2024

આ દરમિયાન, કુસ્તીબાજોએ દિલ્હીની કોર્ટનો સંપર્ક કર્યો હતો અને કોર્ટે દિલ્હી શહેર પોલીસને તાત્કાલિક સુરક્ષા કવચ પુનઃસ્થાપિત કરવાનો નિર્દેશ આપ્યો છે. કોર્ટ વરિષ્ઠ વકીલ રેબેકા જ્હોન દ્વારા દાખલ કરાયેલી અરજીઓની સુનાવણી કરી રહી હતી, જે કુસ્તીબાજો માટે હાજર રહ્યા હતા, જેમણે દાવો કર્યો હતો કે, બુધવારે રાત્રે તેમની સુરક્ષા પાછી ખેંચી લેવામાં આવી હતી. તેમણે પોલીસને અરજદારોની સુરક્ષા પાછી ખેંચી લેવાના કારણો અંગે શુક્રવાર સુધીમાં વિગતવાર અહેવાલ દાખલ કરવાનો નિર્દેશ આપ્યો હતો.

આ પણ જૂઓ: કોલકાતા કેસ પર અધીર રંજનની કપિલ સિબ્બલને વિનંતી: તમે દેશના પ્રખ્યાત વકીલ છો, પરંતુ આ કેસ…