વિચિત્ર કિસ્સો: ન પ્રેગ્નેન્ટ થઈ, ન બાળક આવ્યું છતાં આ મહિલાને દૂધ નીકળવા લાગ્યું
HD ન્યૂઝ ડેસ્ક : આ એક અજીબોગરીબ કહાની છે. પુણેમાં એક મહિલા ન તો પ્રેગ્નન્ટ થઈ, ન તેને કોઈ બાળક હતું તેમ છતાં પણ તેના સ્તનમાંથી દૂધ નીકળવા લાગ્યું હતું. જ્યારે આ મહિલા એક ડોક્ટરની ક્લિનિકમાં આવી તો પહેલા તો ડોક્ટર્સ પણ ચોંકી ગયા. મહિલા સાથે જ્યારે ડોક્ટરે કેટલીય વાતો કરી તો જણાવ્યું કે, મહિલાને તેની ડોક પર દુખાવો થઈ રહ્યો હતો. આ કારણે તેણે નાછૂટકે ડોકમાં મસાજ કરાવ્યું હતું. જો કે તેણે આ કામ એક ઓર્થોપેડિક પાસે કરાવ્યું હતું. જો કે મહિલાના આ કારણથી દૂધ નીકળી શકે, આ વાત કોઈને પચી નહીં. પણ ડોક્ટરે ખૂબ જ ઝીણવટપૂર્વક તેના કારણો શોધવા લાગ્યા.
મહિલા ખાઈ રહી હતી ગેસની દવા
ટીઓઆઈના રિપોર્ટ અનુસાર, પુણેમાં જુપિટલ હોસ્પિટલના બ્રેસ્ટ સર્જન ડો. પ્રાંજલી ગાડગિલે જણાવ્યું કે, કોઈ એવું શું કામ વિચારે કે ડોકના દુખાવાના કારણે સ્તનમાંથી આપોઆપ દૂધ નીકળી શકે. પણ જ્યારે મેં દર્દીને પૂછ્યું કે ડોકના દુખાવામાં તમે કઈ દવા લઈ રહ્યા છો, ત્યારે દર્દીએ નાછૂટકે તે જણાવ્યું અને તે દવા બતાવી. આ સ્લીપમાં દર્દીને એન્ટી ઈન્ફ્લેમેટરી અને Pantoprazole-Domperidone (Pan D) લખેલી હતી. આ દવા આમ તો ગેસ્ટ્રાઈટિસ અથવા એસિડ રિફ્લેક્સની સારવારમાં ઉપયોગ લેવાય છે. ડોક્ટર હંમેશા જ્યારે દવા લખે છે, તેની સાથે પેન લેવાની પણ સલાહ આપે છે. ડો. પ્રાંજલિ ગાડગિલે દર્દી અને પૈનની વચ્ચેના કોયડાને ઉકેલવાની કોશિશ કરી તો ધીમે ધીમે આ કોયડો ઉકેલાતો દેખાયો.
દૂધ નીકળવાનું આ હતું અસલી કારણ
ડો. પ્રાંજલિ ગાડગિલે જણાવ્યું કે, ગર્ભાવસ્થા અને બાળકના જન્મ બાદ મહિલાના શરીરમાં પ્રોલેક્ટિન હોર્મોન વધારે રિલીઝ થવા લાગે છે. પ્રોલેક્ટિન હોર્મોન એટલા માટે વધારે બને છે, કેમ કે તે સ્તનમાં દૂધને ભરે છે.Domperidone એવી દવા છે, જે પ્રોલેક્ટિન હોર્મોનને વધારે છે. જ્યારે પ્રોલેક્ટિન હોર્મોન વધે છે તો મહિલાના શરીરમાંથી દૂધ નીકળે છે. આ દવા એ કારણ હતું, જેના કારણે મહિલાને દૂધ નીકળવા લાગ્યું. મેડિકલની ભાષામાં તેને ગલેક્ટોરિયા કહેવાય છે. આ એક એવી કંડીશન છે, જ્યારે મહિલાઓમાં દૂધ સ્રાવ ત્યારે થવા લાગે છે, જ્યારે ન તો ગર્ભવતી હોય છે, ન સ્તનપાન કરાવી રહી હોય છે. ગાડગિલે જણાવ્યુ કે, ક્યારેક ક્યારેક દર્દીની શરીરની ભાષા ડોક્ટરને એ બતાવવામાં મદદ કરી શકે છે, જે એક્સ રે મશીનમાં પણ નથી દેખાતું.
આ પણ વાંચો : મહારાષ્ટ્રના આ 3 ગામના લોકો મુશ્કેલીમાં મુકાયા, અચાનક ગામના લોકોના વાળ ખરવા લાગ્યા, અમુક તો ટકલા થઈ ગયાં!
