Netflix જોવા માટે નહીં ચૂકવવા પડે પૈસા, કંપની શરૂ કરી શકે છે ફ્રી સર્વિસ: રિપોર્ટ

• ટૂંક સમયમાં Netflix તેના નવા પ્લાન રજૂ કરી શકે છે જે ફ્રી હશે
• ગ્રાહકોને આ પ્લાન એડ-સપોર્ટ સાથે મળશે. એટલે કે તમને Netflixના કન્ટેન્ટની ઍક્સેસ ફ્રીમાં મળશે, પરંતુ આ માટે તમારે જાહેરાતો જોવી પડશે

HD ન્યૂઝ ડેસ્ક, 26 જૂન: Netflixના રિચાર્જ પ્લાનને લઈને ઘણા લોકોએ ફરિયાદો છે. ટૂંક સમયમાં કંપની એક નવો પ્લાન રજૂ કરી શકે છે, જે ફ્રી હશે. જો રિપોર્ટ્સનું માનીએ તો, કંપની એક ફ્રી પ્લાન રજૂ કરી શકે છે, જેની મદદથી ગ્રાહકો ફ્રીમાં કન્ટેન્ટ જોઈ શકશે. જો કે, તેમને જાહેરાતો બતાવવામાં આવશે. આ પ્લાન અમુક માર્કેટમાં જ રીલીઝ કરવામાં આવશે. જો કંપની ખરેખર આ પ્લાન લોન્ચ કરે છે, તો તે હાલના એડ-સપોર્ટ પ્લાન પછી આવશે. હાલમાં, કંપની ઘણા પ્રદેશોમાં જાહેરાત-સમર્થિત પ્લાન વેચી રહી છે.

પ્લાન નક્કી કરેલ માર્કેટમાં જ શરુ કરવામાં આવશે

બ્લૂમબર્ગના રિપોર્ટ અનુસાર, વીડિયો સ્ટ્રીમિંગ પ્લેટફોર્મ એશિયા અને યુરોપિયન માર્કેટ માટે ફ્રી પ્લાન રજૂ કરવા પર વિચાર કરી રહ્યું છે. ઘણા ટીવી નેટવર્ક આ પ્રદેશોમાં મફત પ્લાન ઓફર કરે છે. આ પ્લાન્સમાં ગ્રાહકોને Netflixનો ફ્રી એક્સેસ મળશે. તેના બદલે તેઓએ જાહેરાતો જોવી પડશે. આ બાબત સાથે જોડાયેલા લોકોએ માહિતી આપી છે કે કંપની પોતાના પ્લેટફોર્મ પર દર્શકોની સંખ્યા વધારવા માટે આ પ્લાન બનાવી રહી છે.

અગાઉ પણ કંપની આપી ચૂકી છે ફ્રી સર્વિસ

કંપનીએ આ પહેલા પણ 2021માં ફ્રી પ્લાન રજૂ કર્યો હતો. આ પ્લાન કેન્યામાં એન્ડ્રોઇડ સ્માર્ટફોન યુઝર્સ માટે રિલીઝ કરવામાં આવ્યો હતો. જો કે, આ યોજના માત્ર એક વર્ષ પછી બંધ થઈ ગઈ હતી. રિપોર્ટ અનુસાર કંપની આ પ્લાનને એશિયા અને યુરોપમાં લોન્ચ કરી શકે છે.

Netflix સબ્સ્ક્રિપ્શનની કિંમત કેટલી છે?

અમેરિકામાં આ પ્લાન લોન્ચ કરવાનો કંપનીનો કોઈ ઈરાદો નથી. અમે તમને જણાવી દઈએ કે એડ-સપોર્ટ પ્લાન અમેરિકન માર્કેટમાં ઉપલબ્ધ છે, જેની કિંમત $6.99 (લગભગ 600 રૂપિયા) છે. ભારતમાં કંપનીનો પ્રારંભિક પ્લાન 149 રૂપિયાનો છે, જે મોબાઈલ યુઝર્સ માટે છે. જ્યારે કંપનીનો બેઝિક પ્લાન 199 રૂપિયાના માસિક ચાર્જ પર આવે છે. આમાં, સામગ્રી 720P ની ગુણવત્તામાં ઉપલબ્ધ છે. આ સિવાય, કંપની રૂ. 499 અને રૂ. 649ના બે અન્ય પ્લાન ઓફર કરે છે, જે ફુલ HD ગુણવત્તા અને 4K + HDR સાથે આવે છે.

આ પણ વાંચો: WhatsApp યૂઝર્સની બલ્લે-બલ્લે, આવ્યું ધમાકેદાર ફીચર