સંસદમાં રાહુલ ગાંધીએ ફેંકી ફ્લાઈંગ કિસ તો ભડ્ક્યા સ્મૃતિ ઈરાની, શું છે સત્ય?

HD ન્યુઝ ડેસ્કઃ લોકસભામાં બુધવારે (9 ઓગસ્ટ, 2023), કોંગ્રેસના સાંસદ રાહુલ ગાંધીએ અવિશ્વાસ પ્રસ્તાવ પર બોલ્યા બાદ ગૃહમાં ફ્લાઈંગ કિસ ફેંક્યા બાદ હોબાળો થયો હતો. જ્યાં કેન્દ્રીય મહિલા અને બાળ વિકાસ મંત્રી સ્મૃતિ ઈરાનીએ તેમની ટીકા કરી હતી, ત્યારે ભાજપના મહિલા સાંસદોએ પણ આ અંગે સ્પીકરને લેખિત ફરિયાદ કરી હતી. શું છે આ સમગ્ર મામલો, અમે તમને તેના વિશે જણાવીશું. 

અભદ્ર વર્તનઃ બુધવારે (9 ઓગસ્ટ, 2023) રાહુલ ગાંધી વિપક્ષના અવિશ્વાસ પ્રસ્તાવ પર લોકસભામાં ભાષણ આપી રહ્યા હતા. ભાષણ પૂરું કર્યા બાદ તેઓ સંસદમાંથી બહાર નીકળી ગયા હતા. તેમના ગયા પછી ગૃહમાં બોલવા માટે ઉભા થયેલા કેન્દ્રીય મંત્રી સ્મૃતિ ઈરાનીએ કહ્યું, ‘જેને મારી પહેલા અહીં બોલવાનો મોકો મળ્યો તેમણે આજે અસભ્યતા બતાવી છે. ભાષણ પૂરું કર્યા પછી તેણે અભદ્ર વર્તન કર્યું. તેમણે સંસદમાં ફ્લાઈંગ કિસ ફેંકી જેમાં મહિલાઓ પણ બેઠી છે. આવું વર્તન માત્ર એક મિસોગાયનિસ્ટ માણસ જ કરી શકે છે. આવો અનાદરપૂર્ણ વ્યવહાર આ દેશના ગૃહમાં ક્યારેય જોવા મળ્યો નથી. આ તે પરિવારના લક્ષણો છે, જે ગૃહ અને આખા દેશે જોયા નથી.

ફ્લાઈંગ કિસ ફેંકીઃ હા! પોતાનું ભાષણ પૂરું કર્યા પછી રાહુલ ગાંધીએ ગૃહમાં ફ્લાઈંગ કિસ ફેંકી હતી પરંતુ તેનો હેતુ કોઈને અપમાનિત કરવાનો નહોતો. યુબીટીના રાજ્યસભા સાંસદ પ્રિયંકા ચતુર્વેદીએ પણ આવું જ કહ્યું છે. શિવસેના (UBT) રાજ્યસભાના સાંસદ પ્રિયંકા ચતુર્વેદીએ કહ્યું, “જ્યારે રાહુલ ગાંધીએ આ કર્યું ત્યારે હું મુલાકાતીઓની ગેલેરીમાં હતી. તેણે સાથી સાંસદો પ્રત્યેના પ્રેમના ઈશારા તરીકે આ કર્યું. ભાજપને નફરત કરવાની આદત છે.”  મીડિયા રિપોર્ટ્સ અનુસાર, જ્યારે રાહુલ ગાંધી પોતાનું ભાષણ પૂરું કરીને સંસદ છોડવા માટે ઉભા થયા ત્યારે તેમના હાથમાંથી કેટલાક કાગળો પડી ગયા. જ્યારે તે કાગળો લેવા માટે નીચે ઝૂક્યા ત્યારે ભાજપના સાંસદો તેમના પર હસવા લાગ્યા. આના પર રાહુલ ગાંધીએ આસાનીથી સ્પીકરના ટેબલ તરફ ફ્લાઈંગ કિસ ફેંકી અને પછી ત્યાંથી ચાલ્યા ગયા. 

આ પણ વાંચોઃ એવુું તો શું થયું કે રાહુલ ગાંધીએ સંસદમાં ફ્લાઈંગ કિસ આપી? પછી થઈ ગયો હંગામો