ઇન્ટરનેશનલ ડેસ્કઃ અમેરિકાએ આતંકવાદી સંગઠન અલ-કાયદાના વડા અયમાન અલ-ઝવાહિરીને મારી નાખ્યો છે. અમેરિકી રાષ્ટ્રપતિ જો બાઇડને તેને ‘ન્યાય’ ગણાવ્યો છે. ખાસ વાત એ છે કે એ જ રીતે અમેરિકાએ 9/11 માટે જવાબદાર આતંકવાદી ઓસામા બિન લાદેનને પણ માર્યો હતો. જો કે, આ વખતે આતંકવાદીનો ખાત્મો ચર્ચામાં આવ્યો હતો, પરંતુ તે હથિયાર પણ ચર્ચામાં રહ્યું હતું, જેની મદદથી અમેરિકાએ ઓપરેશન પાર પાડ્યું હતું.
મીડિયા રિપોર્ટ્સ અનુસાર, આ ઓપરેશનમાં Macabre Hellfire R9Xના ઉપયોગનો ઉલ્લેખ કરવામાં આવી રહ્યો છે. એવું માનવામાં આવે છે કે, આ મિસાઇલ તેના લક્ષ્યને મારતી વખતે બહાર નીકળી જાય છે, પરંતુ તે વિસ્ફોટ થતી નથી. જો કે, અમેરિકી એજન્સીઓ પેન્ટાગોન કે CIAએ જાહેરમાં તેનો સ્વીકાર કર્યો નથી.
અહેવાલ છે કે, R9X પ્રથમ વખત માર્ચ 2017માં ચર્ચામાં આવ્યું હતું, જ્યારે અલ કાયદાના અન્ય નેતા અબુ અલ-ખૈર અલ-મસરી ડ્રોન હુમલામાં માર્યા ગયા હતા. તે હુમલા સમયે સીરિયામાં કારમાં મુસાફરી કરી રહ્યો હતો. હવે વાહનની તસવીરો દર્શાવે છે કે છત પર એક કાણું હતું અને કારને આંતરિક રીતે પણ નુકસાન થયું હતું, પરંતુ કારનો આગળનો અને પાછળનો ભાગ સંપૂર્ણપણે સુરક્ષિત હતો.
ત્યારસુધી હેલફાયર મિસાઇલ તેના ઉચ્ચ વિસ્ફોટો અને વિનાશ માટે જાણીતી હતી, જેમાં બંને બાજુ નુકસાન થવાની સંભાવના હતી. 2017 સુધી કેટલીક ઘટનાઓમાં સમાન પરિણામો જોવા મળ્યા હતા. ઉલ્લેખનીય છે કે, જ્યારે આ હથિયારની જાણકારી સામે આવી ત્યારે તેને ‘ફ્લાઈંગ જિન્સુ’ કહેવામાં આવ્યું. તેની સરખામણી 1980ના દાયકામાં ટીવી કમર્શિયલમાં જોવા મળતી કિચન નાઇફ સાથે કરવામાં આવી હતી, જે એલ્યુમિનિયમના ડબ્બા કાપી શકે છે. તેને ‘નિન્જા બોમ્બ’ પણ કહેવામાં આવે છે.
જવાહિરીના કિસ્સામાં માહિતી સામે આવી છે કે, તેના પર બે હુમલા કરવામાં આવ્યા હતા, પરંતુ વિસ્ફોટના નિશાન ફોટોગ્રાફ્સમાં દેખાતા ન હતા. ત્યારે અમેરિકી અધિકારીઓએ પણ કહ્યું છે કે, હુમલામાં અન્ય કોઈને નુકસાન થયું નથી. એક અધિકારીએ પત્રકારોને જણાવ્યું હતું કે, ‘31 જુલાઈની સવારે ઝવાહિરી તેના કાબુલ નિવાસસ્થાનની બાલ્કનીમાં હતો અને યુએસ ડ્રોને બે હેલફાયર મિસાઈલો છોડી હતી.’
