જાતિય સમીકરણ અને મહાગઠબંધનને સાચવીને નીતીશ કુમારનું બેલેન્સ મંત્રીમંડળ, આ સભ્યોને મળ્યું સ્થાન

Hum Dekhenge News Team પટનાLast Updated: ઓગસ્ટ 16, 2022

121 1 minute read

બિહારમાં નીતિશ કુમારના નેતૃત્વમાં મહાગઠબંધનની આખરે સરકારનું મંત્રીમંડળનું વિસ્તરણ કરવામાં આવ્યું છે. જેમાં કુલ 31 મંત્રીઓએ શપથ ગ્રહણ કર્યા, તેમાં જાતિય સમીકરણ તેમજ બધી પાર્ટીઓને સાથે રાખવાની નીતિશ કુમાર અને લાલુના પુત્રની આવડતને ખાસ ધ્યાનમાં લેવામાં આવી છે. જેમાં જેડીયૂ કરતાં આરજેડીનું પ્રભાવ મંત્રીમંડળમાં વિશેષ જોવા મળ્યું છે. એટલું જ નહીં મંત્રમંડળમાં કોંગ્રેસનું કદ પણ ઓછું થયું છે.

આ મંત્રીમંડળમાં 31 મંત્રીઓ બનાવવામાં આવ્યા છે. જેમાં મુખ્યમંત્રી નીતીશ કુમાર છે અને તેજસ્વી યાદવ ડેપ્યુટી સીએમ છે એટલે કે કુલ 33 સભ્યોનું કદ બન્યું છે. સાથે જ આ સરકારમાં RJD પાસે સૌથી વધુ 79 ધારાસભ્યો છે અને બીજા નંબર પર JDUના ધારાસભ્યોનો નંબર છે. પરંતુ નીતીશના પક્ષનું મંત્રીમંડળમાં પ્રભુત્વ ઓછું જ જોવા મળ્યું છે.

#BiharCabinetExpansion | RJD MLAs Anita Devi and Sudhakar Singh and others take oath as ministers in the Bihar cabinet. pic.twitter.com/d8QDFFcUT1

— ANI (@ANI) August 16, 2022

જેડીયૂએ પોતાના કોટામાંથી મંત્રીમંડળમાં અતિ પછાત જાતિઓની સાથે-સાથે શપથ લેનારા ધારાસભ્યોમાંથી આરજેડીના 16, જેડીયુના 11, કોંગ્રેસના બે, અને અન્યો બેનો સમાવેશ થાય છે. આજે મંગળવારે આ મંત્રીઓને સામેલ કર્યા બાદ કેબિનેટ વિસ્તરણ દ્વારા ભવિષ્યમાં અન્ય ખાલી જગ્યાઓ ભરવામાં આવે તેવી અપેક્ષા છે. બિહાર રાજ્યમાં શાસક મહાગઠબંધનના ઘટક પક્ષો વચ્ચે સૈદ્ધાંતિક સમજૂતી હેઠળ, બિહાર વિધાનસભાની સૌથી મોટી પાર્ટી આરજેડી પાસે સૌથી વધુ મંત્રી પદો છે, જ્યારે મુખ્ય પ્રધાન નીતિશ કુમારની પાર્ટી જેડીયુ બીજા નંબરે રહેશે તેમ માનવામાં આવી રહ્યું હતું. તે મુજબ જ આરજેડીના સૌથી વધુ અને જેડીયુના તેનાથી ઓછા સભ્યોને પ્રધાનમંડળમાં સમાવવામાં આવ્યા છે.

#BiharCabinetExpansion | Portfolios allocated – CM Nitish Kumar keeps Home Dept, Deputy CM Tejashwi Yadav gets Health Dept, Vijay Kumar Chaudhary gets Finance Dept. RJD leader Tej Pratap Yadav to be the Minister of Environment, Forest and Climate Change pic.twitter.com/UYpvzwzJgl

— ANI (@ANI) August 16, 2022