બિહારના છપરામાં નકલી દારૂના કેસમાં મૃત્યુઆંક વધી રહ્યો છે. અત્યાર સુધીમાં 53 લોકોના મોત થયા છે. સાથે જ અનેક લોકોની આંખોની રોશની પણ જતી રહી છે. દરમિયાન આ સમગ્ર મામલે બિહારમાં રાજકારણ શરૂ થઈ ગયું છે. બિહારના મુખ્યમંત્રી નીતીશ કુમારે કહ્યું છે કે દારૂના કારણે મૃત્યુ માટે કોઈ વળતર મળતું નથી. તેમણે ફરીથી કહ્યું કે જે દારૂ પીશે એ મરશે.
સીએમ નીતિશ કુમારે કહ્યું કે દારૂ પીને લોકો મરી જશે અને અમે વળતર આપીશું? એવો પ્રશ્ન પણ ઊભો થતો નથી. તમને જણાવી દઈએ કે બીજેપી નેતાઓ દારૂના કારણે થયેલા મોત માટે નીતિશ કુમારને જવાબદાર ઠેરવી રહ્યા છે અને સતત તેમના રાજીનામાની માંગ કરી રહ્યા છે. નીતિશ કુમાર પર પ્રહાર કરતા કેન્દ્રીય મંત્રી ગિરિરાજ સિંહે કહ્યું કે સત્તાના સોદાગર પાસે શ્વાસનો વેપાર કરતી વખતે સહાનુભૂતિનો એક શબ્દ પણ નથી હોતો. સત્તા માટે નીતિશ કુમાર બહેરા અને આંધળા બની ગયા છે અને આરજેડીના સાથીદારો મૂંગા બની ગયા છે.
12 ડિસેમ્બરે દારૂની મહેફિલ યોજાઈ હતી
છપરાના મસરખના હનુમાનગંજમાં 12 ડિસેમ્બરે દારૂની મહેફિલ યોજાઈ હતી, જેમાં 50થી વધુ લોકોએ ભારે દારૂ પીધો હતો. દારૂની મહેફિલ બાદ લોકોની તબિયત લથડવા લાગી. ત્યારથી અત્યાર સુધીમાં 53 લોકોના મોત થયા છે.ત્યારે બિહાર વિધાનસભામાં આને લઈને ભારે હોબાળો થઈ રહ્યો છે. વિપક્ષ નીતિશના રાજીનામાની માંગ કરી રહ્યો છે. આ દરમિયાન સીએમ નીતીશ કુમારે કહ્યું હતું કે, તેમણે જડબાતોડ જવાબ આપ્યો છે, જે પીશે તે મરી જશે.
નિત્યાનંદ રાયે નીતિશ સરકાર પર નિશાન સાધ્યું
મંત્રી નિત્યાનંદ રાયે નીતીશ સરકાર પર નિશાન સાધતા કહ્યું કે નીતીશ કુમાર રાજ્યમાં દારૂબંધીની નિષ્ફળતા છુપાવી રહ્યા છે. સીએમએ બિહારમાં દારૂબંધી લાગુ કરી છે, પરંતુ વાસ્તવમાં તેઓ નથી ઈચ્છતા કે બિહારમાં દારૂ પર સંપૂર્ણ પ્રતિબંધ હોય. આ સાથે જ પ્રશાંત કિશોરે 48 કલાકમાં દારૂબંધી રદ કરવાની નિષ્ફળ યોજના બનાવી છે.આ સાથે પ્રશાંત કિશોરે કહ્યું કે લોકોએ ભાજપને સવાલ પૂછવો જોઈએ કે જ્યારે તમે સરકારમાં હતા ત્યારે તમારે દારૂબંધી હટાવવાની હતી. કામ તમે કર્યું.
