RBIએ રેપોરેટ યથાવત્ રાખતા નિફ્ટીમાં આવ્યો ઉછાળો, 21000 સુધી પહોંચ્યું

• RBIની રેપોરેટમાં કોઈ ફેરફાર ન કરવાની જાહેરાત બાદ શેરબજારમાં તેજી
• નિફ્ટીમાં 21 હજાર તો સેન્સેક્સ 70 હજારની નજીક પહોંચ્યું

નવી દિલ્હી, 8 નવેમ્બર : રિઝર્વ બેંક ઓફ ઈન્ડિયા (RBI)એ શુક્રવારે મોનેટરી પોલિસીની બેઠક બાદ રેપો રેટને 6.5 ટકા પર સ્થિર રાખવાના નિર્ણયની જાહેરાત કરી હતી. RBIનો આ નિર્ણય આવતા જ શેરબજારમાં ઉત્તેજના છવાઈ ગઈ હતી. નિફ્ટી 50એ એક નવો માઈલસ્ટોન હાંસલ કર્યો અને પ્રથમ વખત 21000ના આંકડા સુધી પહોંચ્યો. તે જ સમયે, સેન્સેક્સમાં જબરદસ્ત વૃદ્ધિ જોવા મળી છે, જેમાં લગભગ 300 ટકાનો વધારો થયો છે અને તે 70 હજારના આંકડાને સ્પર્શવાથી થોડાક પગલાં દૂર છે.

નિફ્ટીએ પ્રથમ વખત 21000ના આંકડાને સ્પર્શ કર્યો

શુક્રવારે શરૂઆતના ટ્રેડિંગથી જ તેજીનું વલણ હતું, પરંતુ RBIની નાણાકીય નીતિની બેઠકમાં લેવાયેલા નિર્ણયની જાહેરાત થતાં જ અને રેપો રેટને સ્થિર રાખવાનો નિર્ણય લેવામાં આવ્યો, જે બાદ નિફ્ટીએ ઈતિહાસ રચ્યો અને પહેલીવાર છે જ્યારે નિફ્ટી 21000ના આંકડા સુધી પહોંચ્યો. નિફ્ટીએ જાન્યુઆરીથી અત્યાર સુધીમાં 15.36%નો વધારો નોંધાવ્યો છે, જ્યારે છ મહિના દરમિયાન તે 12.65% અથવા 2,357 પોઈન્ટ વધ્યો છે. જ્યારે નિફ્ટીમાં એક વર્ષમાં 12.80%નો ઉછાળો આવ્યો છે.

સેન્સેક્સ 70 હજારની નજીક પહોંચ્યું

સેન્સેક્સ પણ એક નવા માઈલસ્ટોન સુધી પહોંચવાની ખૂબ નજીક આવી ગયો છે. શુક્રવારે RBIના MPCના નિર્ણય પછી, તે 300 પોઈન્ટ અથવા 0.43%ના વધારા સાથે 69,821 પર ટ્રેડ કરી રહ્યો હતો. એવી અપેક્ષા છે કે સેન્સેક્સ ટૂંક સમયમાં 70 હજારના આંકડાને સ્પર્શી શકે છે. સેન્સેક્સ જાન્યુઆરીથી 14.14% વધ્યો છે, જ્યારે છ મહિનામાં તેણે 11.09% નો વધારો નોંધાવ્યો છે. એક વર્ષમાં સેન્સેક્સ 11.60% વધ્યો છે.

ક્યાં ક્ષેત્રોમાં વૃદ્ધિ જોવા મળી ?

શેરબજારમાં અદભૂત ઉછાળાને કારણે મીડિયા, મેટલ, ફાઇનાન્શિયલ સર્વિસિસ, બેન્ક નિફ્ટી, IT, PSU બેન્ક, પ્રાઇવેટ બેન્કમાં સારી વૃદ્ધિ જોવા મળી હતી. જ્યારે FMCG, ઓટો અને હેલ્થ સેક્ટરમાં નજીવો ઘટાડો જોવા મળ્યો હતો. ઉલ્લેખનીય છે કે, એક દિવસ પહેલા એટલે કે ગુરુવારે સેન્સેક્સ 300 પોઈન્ટ્સ અને નિફ્ટીમાં 70 પોઈન્ટ્સનો ઘટાડો થયો હતો.

મોંઘી લોનમાંથી હવે નહીં મળે રાહત!

નાણાકીય વર્ષ 2023-24 માટે પાંચમી આરબીઆઈ મોનેટરી પોલિસી મીટિંગ (આરબીઆઈ એમપીસી મીટ)માં, રેપો રેટને 6.5 ટકા પર સ્થિર રાખવાનો નિર્ણય લેવામાં આવ્યો હતો, જેનો અર્થ છે કે બેંક લોનના વ્યાજ દરમાં કોઈ ફેરફાર કરશે નહીં. આવી સ્થિતિમાં, એવી સંભાવના છે કે લોકોએ પહેલાની જેમ જ EMI ચૂકવવી પડશે.

આ પણ જુઓ :અમદાવાદમાં દેશનું પહેલું બુલેટ ટ્રેન સ્ટેશન તૈયાર, ભલભલા એરપોર્ટને ઝાંખું પાડી દે તેવું સૌદર્ય !