રિંકુ સિંહ અને પ્રિયા સરોજની સગાઈના સમાચાર ખોટા, સપા સાંસદના પિતાએ જણાવ્યું સત્ય
લખનૌ, 17 જાન્યુઆરી : ટીમ ઈન્ડિયાના સ્ટાર બેટ્સમેન રિંકુ સિંહ અને ઉત્તર પ્રદેશના મછલીશહરથી સમાજવાદી પાર્ટીના સાંસદ પ્રિયા સરોજની સગાઈના સમાચાર પ્રકાશમાં આવી રહ્યા છે. જોકે, સપા સાંસદ પ્રિયા સરોજના પિતા અને સપા ધારાસભ્ય તૂફાની સરોજે આ સમાચારને ખોટા ગણાવ્યા છે.
સમાજવાદી પાર્ટીના ધારાસભ્ય અને મછલી શહેર સમાજવાદી પાર્ટીના સાંસદ પ્રિયા સરોજના પિતા તૂફાની સરોજે એક ટેલિફોનિક વાતચીતમાં જણાવ્યું હતું કે ભારતીય ક્રિકેટર રિંકુ સિંહના પરિવારે અમારા મોટા જમાઈ, જે અલીગઢમાં સીજેએમ છે, તેમને રિંકુ અને પ્રિયાના સબંધને લઈ વાત કરી હતી.
સપા ધારાસભ્ય તૂફાની સરોજે વધુમાં કહ્યું કે અમે આ સંબંધ પર ગંભીરતાથી વિચાર કરી રહ્યા છીએ. લગ્નનો મામલો હોવાથી, ઘણો વિચાર કર્યા પછી નિર્ણય લેવો પડે છે પરંતુ તેમની સગાઈના સમાચાર સાચા નથી.
સપા સાંસદ પ્રિયા સરોજના પિતાનું આ નિવેદન એવા સમયે આવ્યું છે જ્યારે રિંકુ સિંહ અને પ્રિયા સરોજની સગાઈના સમાચાર સોશિયલ મીડિયા પર વાયરલ થઈ રહ્યા છે. જોકે, સપા ધારાસભ્યએ હવે આ બધા અહેવાલોને નકારી કાઢ્યા છે કે તેમની પુત્રી પ્રિયા સરોજ અને ક્રિકેટર રિંકુ સિંહની સગાઈ નથી થઈ. આ બંને વચ્ચે લગ્નની ચર્ચા થઈ હતી, જેના પર વિચારણા ચાલી રહી છે.
સપા સાંસદ પ્રિયા સરોજે 2024ની લોકસભા ચૂંટણીમાં સપાની ટિકિટ પર મછલીશહર બેઠક પરથી ચૂંટણી જીતી હતી. તે ત્રણ વખત સાંસદ અને વર્તમાન ધારાસભ્ય તુફાની સરોજની પુત્રી છે. પ્રિયા સરોજનો જન્મ વારાણસીમાં થયો હતો, પ્રિયાએ નવી દિલ્હીમાં એરફોર્સ ગોલ્ડન જ્યુબિલી ઇન્સ્ટિટ્યૂટમાંથી પોતાનું શાળાકીય શિક્ષણ પૂર્ણ કર્યું. આ પછી તેમણે દિલ્હી યુનિવર્સિટીમાંથી બી.એ.નો અભ્યાસ કર્યો.
આ પણ વાંચો :હોમ લોન લેતી વખતે રહેજો સાવધાન, બેન્ક આ રીતે કરે છે ચાલાકી
આ યોજનામાં મહિલાઓને મળી રહ્યું છે FD કરતા વધુ વ્યાજ, આ તારીખ સુધી લઈ શકો છો લાભ, જાણો સંપૂર્ણ વિગતો
શું તમે પણ વસિયતનામુ બનાવવાના છો, આના કરતાં પણ વધુ સારો વિકલ્પ છે, આવનારી પેઢી તમારા ગુણગાન ગાશે
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
