તિરુપતિ મંદિરમાં ફરી થયો અકસ્માત, લાડુ કાઉન્ટર પાસે લાગી ભયંકર આગ
આંધ્રપ્રદેશ, 13 જાન્યુઆરી 2025 : તિરુપતિ મંદિરમાં થોડા જ દિવસોમાં ફરી એક અકસ્માત થયો છે. સોમવારે તિરુપતિ તિરુમાલા દેવસ્થાનમ મંદિરમાં લાડુ વિતરણ કેન્દ્ર પાસે આગ લાગી હતી. કાઉન્ટર પાસે મોટી ભીડ જમા થઈ હતી ત્યારે જ આ આગ લાગી હતી. આગ લાગવાનું કારણ હજુ સુધી જાણી શકાયું નથી, હાલમાં વહીવટીતંત્ર આગ ઓલવવામાં વ્યસ્ત છે. ફાયર બ્રિગેડની મદદથી આગને ઝડપથી કાબુમાં લેવાના પ્રયાસો કરવામાં આવી રહ્યા છે. આ ઘટના 10 દિવસના વૈકુંઠ દ્વાર દર્શનમ ઉત્સવ દરમિયાન બની હતી. આ પ્રસંગે દેશભરમાંથી હજારો લોકો ત્યાં પહોંચ્યા છે.
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
https://chat.whatsapp.com/K2iNelyylPD9ZoDNpMuN9o
આ ઘટના એવા સમયે બની છે જ્યારે 8 જાન્યુઆરીએ થયેલા અકસ્માતને કારણે હાઇ એલર્ટ જારી કરવામાં આવ્યું છે. ૮ જાન્યુઆરીના રોજ મંદિરમાં નાસભાગ મચી ગઈ હતી. આ અકસ્માતમાં 6 લોકોના અવસાન થયા હતા, જ્યારે 40 લોકો ઘાયલ થયા હતા. આ નાસભાગની ઘટના તિરુપતિમાં એમજીએમ સ્કૂલ પાસે આવેલા બૈરાગી પટ્ટેડા પાસે બની હતી.
Chaos at Tirumala! A fire broke out at the iconic laddu distribution counter of Venkateswara Temple in Tirumala, #Tirupati. Crowds are in panic, and more updates are awaited!
What’s going on in #Tirupathi ??#TirupatiStampede #TirumalaTirupatiDevasthanam pic.twitter.com/Ms6o9tGpya
— Praveen Kumar Kommu (@urstrulyKP) January 13, 2025
ભક્તો વૈકુંઠ દ્વાર દર્શન માટે ટિકિટ મેળવવા માંગતા હતા અને આ ભીડને કારણે નાસભાગ જેવી સ્થિતિ સર્જાઈ. આ ઘટના બાદ મંદિરમાં કડક પગલાં લેવામાં આવી રહ્યા છે અને હાઈ એલર્ટ જાહેર કરવામાં આવ્યું છે. તેમ છતાં, આવા અકસ્માતની ઘટના ચિંતાનો વિષય બની રહી છે.
આ પણ વાંચો : DoTનો Cyber Crime પર સકંજો, 35000 WhatsApp નંબર અને હજારો ગ્રુપ બૅન કર્યાં
