વરસાદની સીઝનમાં કદી ન કરતા આ ભૂલો, નહીંતર પડશો બીમાર

• વરસાદની સીઝનમાં રોગપ્રતિકારક શક્તિ નબળી પડી જાય છે અને તેના કારણે વ્યક્તિ વારંવાર બીમાર પડવા લાગે છે. આ જ કારણ છે કે આ સીઝનમાં હેલ્થનું ખાસ ધ્યાન રાખવાની સલાહ આપવામાં આવે છે

ચોમાસું પોતાની સાથે અનેક પ્રકારના ઈન્ફેક્શન અને બીમારીઓનો ખતરો લઈને આવે છે. વરસાદની સીઝનમાં રોગપ્રતિકારક શક્તિ નબળી પડી જાય છે અને તેના કારણે વ્યક્તિ વારંવાર બીમાર પડવા લાગે છે. આ જ કારણ છે કે આ સીઝનમાં હેલ્થનું ખાસ ધ્યાન રાખવાની સલાહ આપવામાં આવે છે. ચાલો જાણીએ કે વરસાદની સીઝનમાં પેટમાં દુખાવો, અપચો અને ત્વચા સંબંધિત સમસ્યાઓને દૂર રાખવા માટે કઈ સામાન્ય ભૂલોને ટાળવી જોઈએ.

સ્ટ્રીટ ફૂડને કહો બાય બાય

વરસાદની સીઝનમાં, તેલયુક્ત અને મસાલેદાર ખોરાક ખાવાની ઈચ્છા ઘણી વાર વધી જાય છે. આવી સ્થિતિમાં સ્ટ્રીટ ફૂડ ખાવાનું ટાળો. આ પ્રકારનો ખોરાક ગેસ્ટ્રોઈંટેસ્ટાઈનલ સમસ્યાઓનું કારણ બનીને તમને બીમાર પાડી શકે છે. આ ઋતુમાં ફક્ત ઘરનું રાંધેલું ભોજન જ ખાઓ.

સલાડ કે કાચો ખોરાક ન લેશો

વરસાદની ઋતુમાં કાચો કે રાંધ્યા વગરનો કોઈ પણ ખોરાક ન ખાવો જોઈએ. આવા ખોરાકમાં પેથોજેન્સ હોઈ શકે છે, જે શરીરની અંદર ઘૂસીને અનેક રોગોનું કારણ બને છે. જેના કારણે વ્યક્તિ ગંભીર ચેપ અથવા રોગનો શિકાર બની શકે છે. આવી સ્થિતિમાં વરસાદમાં, હંમેશા ખોરાકને સારી રીતે રાંધ્યા પછી જ ખાવાનો પ્રયાસ કરો. રાંધવાથી હાનિકારક બેક્ટેરિયા નાશ પામે છે.

સીફૂડ ખાવાની ભૂલ ન કરતા

ચોમાસામાં સી ફૂડનું સેવન ન કરવું જોઈએ. વરસાદની સીઝનમાં સીફૂડમાં બેક્ટેરિયાના ચેપની વધુ સંભાવના હોય છે, જે ફૂડ પોઇઝનિંગનું જોખમ વધારી શકે છે. વરસાદ પાણીને દૂષિત કરી શકે છે. વરસાદના પાણીમાં બેક્ટેરિયા, પરોપજીવી, વાયરસ અને રસાયણો હોય છે જે સીફૂડને દૂષિત કરીને તમને બીમાર કરી શકે છે.

દહીંને કહેજો ના

વરસાદમાં દહીં જેવી ઠંડી તાસીર વાળી ડેરી પ્રોડક્ટનો ઉપયોગ ટાળવો જોઈએ. આ પદાર્થોની પ્રકૃતિ ઠંડી હોય છે. જે સાઇનસાઈટિસને પ્રોત્સાહન આપે છે, જેના કારણે નબળી રોગપ્રતિકારક શક્તિ ધરાવતા લોકો શરદી, ઉધરસ અને ફ્લૂથી પીડાય છે

ભીના કપડામાં ન રહેશો

નિષ્ણાતોના મતે વરસાદમાં ભીના થવાથી અને લાંબા સમય સુધી ભીના કપડામાં રહેવાથી ફંગલ ઈન્ફેક્શન થઈ શકે છે. આવી સ્થિતિમાં ચેપથી બચવા માટે તમારા ટુવાલ અને સાબુને અલગ રાખો. વરસાદમાં ભીના થયા પછી, ઘરે પહોંચ્યા પછી તરત જ સ્નાન કરો અને સ્વચ્છ કપડાં પહેરો.

ભીના મોજાં અને પગરખાં ન પહેરો

વરસાદ દરમિયાન, ઘણી જગ્યાએ પાણી ભરાઈ જવાને કારણે, મોજાં અને પગરખાં ક્યારેક ભીના થઈ જાય છે, પરંતુ જો તમે લાંબા સમય સુધી ભીના મોજાં અને જૂતાં પહેરવાનું રાખો છો તો તમને ટ્રેન્ચ ફૂટની સમસ્યા થઈ શકે છે, જેનાથી પગની ત્વચા, રક્તવાહિનીઓ અને ચેતાને નુકસાન થઈ શકે છે. જેને સાજા થવામાં મહિનાઓ લાગી શકે છે.

આ પણ વાંચોઃ મધ્યપ્રદેશના આ હિલસ્ટેશન પર વરસાદમાં થશે સ્વર્ગ જેવો અહેસાસ, જરૂર કરો વિઝિટ