નેતાજી સુભાષચંદ્ર બોઝના મૃત્યુના પોસ્ટર મામલે વિવાદ, રાહુલ ગાંધી સામે ફરિયાદ, જાણો આખો મામલો

કોલકાતા, 27 જાન્યુઆરી : ગત 23 જાન્યુઆરીએ નેતાજી સુભાષ ચંદ્ર બોઝને તેમની જન્મજયંતિ પર શ્રદ્ધાંજલિ આપતી વખતે વિવાદાસ્પદ પોસ્ટ કરવા બદલ લોકસભામાં વિપક્ષના નેતા રાહુલ ગાંધી વિરુદ્ધ FIR દાખલ કરવામાં આવી છે.  આ FIR દક્ષિણ કોલકાતાના ભવાનીપુર પોલીસ સ્ટેશનમાં નોંધવામાં આવી છે. જેમાં રાહુલ ગાંધીની પોસ્ટમાં નેતાજીના મૃત્યુની તારીખનો ઉલ્લેખ કરવાની ફરિયાદ કરવામાં આવી છે.

આ ફરિયાદ સ્વયં ઘોષિત હિન્દુત્વ જૂથ અખિલ ભારતીય હિન્દુ મહાસભા દ્વારા કરવામાં આવી છે. જૂથના કાર્યકર્તાઓએ દક્ષિણ કોલકાતાના એલ્ગિન રોડ પર નેતાજીના પૈતૃક ઘર પાસે પણ પ્રદર્શન કર્યું હતું. વિરોધીઓએ રાહુલ ગાંધી દ્વારા કરવામાં આવેલી વિવાદાસ્પદ પોસ્ટની સામગ્રી સામે પોતાનો વિરોધ નોંધાવ્યો હતો.

महान क्रांतिकारी, आज़ाद हिंद फौज के संस्थापक नेताजी सुभाष चंद्र बोस जी की जयंती पर उन्हें भावपूर्ण श्रद्धांजलि।

नेताजी का नेतृत्व, साहस, सामाजिक न्याय के लिए उनका संघर्ष, सहिष्णुता और समावेशिता के प्रति उनका योगदान आज भी हर भारतीय को प्रेरित करता है।

भारत माता के अमर सपूत को… pic.twitter.com/Fa2CTUu9BL

— Rahul Gandhi (@RahulGandhi) January 23, 2025

રાહુલ ગાંધી પર ગંભીર આરોપો

અખિલ ભારતીય હિંદુ મહાસભાના પ્રદેશ અધ્યક્ષ ચંદ્રચુડ ગોસ્વામીએ કહ્યું કે રાહુલ ગાંધી એ જ વારસાને આગળ વધારી રહ્યા છે જેણે પહેલા નેતાજીને કોંગ્રેસ છોડવા અને બાદમાં દેશ છોડવા મજબૂર કર્યા હતા. ગોસ્વામીએ આરોપ લગાવ્યો કે રાહુલ ગાંધી અને તેમના પરિવારે હંમેશા ભારતના લોકોની યાદોમાંથી નેતાજીની યાદોને ભૂંસી નાખવાનો પ્રયાસ કર્યો છે અને આ વખતે પણ તેમણે નેતાજી વિશે ખોટી માહિતી ફેલાવવાનો પ્રયાસ કર્યો છે. તેમણે કહ્યું, ભારતના લોકો તેમને સજા કરશે અને અમે હંમેશા નેતાજી વિશે ખોટી માહિતી આપવાનો વિરોધ કરીશું.

રાહુલ ગાંધીએ શું કર્યું?

વિવાદ આ સપ્તાહની શરૂઆતમાં શરૂ થયો હતો, જ્યારે રાહુલ ગાંધીએ X પરની એક પોસ્ટમાં એક પોસ્ટર દ્વારા નેતાજીના મૃત્યુની તારીખ 18 ઓગસ્ટ 1945 આપી હતી.  આ એ જ તારીખ હતી જ્યારે તાઈહોકુ (હવે તાઈપેઈમાં)માં નેતાજીનું વિમાન ક્રેશ થયું હતું. જો કે, નેતાજીના મૃત્યુની ચોક્કસ તારીખ ક્યારેય પુષ્ટિ મળી ન હતી અને તેમના ગુમ થયા પછી રચાયેલા કમિશને પણ તેની પુષ્ટિ કરી ન હતી.

રાહુલ ગાંધીની આ પોસ્ટની ઓલ ઈન્ડિયા ફોરવર્ડ બ્લોક દ્વારા પણ ટીકા કરવામાં આવી હતી, જે નેતાજીએ કોંગ્રેસ છોડ્યા પછી રચવામાં આવી હતી. આ ઉપરાંત પશ્ચિમ બંગાળની સત્તારૂઢ તૃણમૂલ કોંગ્રેસ અને વિપક્ષ ભાજપે પણ રાહુલ ગાંધીની પોસ્ટની ટીકા કરી હતી.

આ પણ વાંચો :- 1 મૃત્યુ, 16 વેન્ટિલેટર પર : મહારાષ્ટ્રમાં આ બીમારીનો કહેર, પૂર્વ અમેરિકી પ્રમુખે પણ ગુમાવ્યો હતો જીવ