ભારતમાં લગભગ 55% ટ્રક ડ્રાઈવરોની દૃષ્ટિમાં ખામી, સર્વેના આંકડાઓ તમને ચોંકાવી દેશે

નવી દિલ્હી, 29 જાન્યુઆરી 2025 : ભારતમાં લગભગ ૫૫.૧ ટકા ટ્રક ડ્રાઈવરોની દૃષ્ટિ નબળી છે, જ્યારે ૫૩.૩ ટકા લોકોને દૂરની દ્રષ્ટિ માટે સુધારાની જરૂર છે અને ૪૬.૭ ટકા લોકોને નજીકની દૃષ્ટિ માટે સારવારની જરૂર છે. મંગળવારે જાહેર થયેલા એક અહેવાલમાંથી આ માહિતી સામે આવી છે. ઇન્ડિયન ઇન્સ્ટિટ્યૂટ ઑફ ટેક્નોલોજી (IIT), દિલ્હી દ્વારા તૈયાર કરાયેલા આ અહેવાલ મુજબ, લગભગ 44.3 ટકા ડ્રાઇવરોનો બોડી માસ ઇન્ડેક્સ (BMI) સીમારેખા અથવા તેનાથી ઉપર છે. જ્યારે ૫૭.૪ ટકા લોકોમાં બ્લડ પ્રેશરનું સ્તર ઊંચું હતું અને ૧૮.૪ ટકા લોકોમાં બ્લડ સુગરનું સ્તર સીમારેખા અથવા તેનાથી વધુ હતું.

ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં

https://chat.whatsapp.com/K2iNelyylPD9ZoDNpMuN9o

50000 ટ્રક ડ્રાઈવરોની તપાસ
IIT દિલ્હીએ ફોરસાઇટ ફાઉન્ડેશનના સહયોગથી આ રિપોર્ટ તૈયાર કર્યો છે. આ માટે, ઉત્તર પ્રદેશ, રાજસ્થાન, મધ્ય પ્રદેશ, મહારાષ્ટ્ર, કર્ણાટક અને તમિલનાડુ રાજ્યોના કુલ 50,000 ટ્રક ડ્રાઇવરોની તપાસ કરવામાં આવી હતી. અહેવાલમાં જણાવાયું છે કે લગભગ ૩૩.૯ ટકા ટ્રક ડ્રાઈવરોએ મધ્યમ સ્તરનો તણાવ હોવાનું જણાવ્યું હતું. જ્યારે 2.9 ટકા લોકોમાં તણાવનું પ્રમાણ વધુ જોવા મળ્યું, જે માનસિક સ્વાસ્થ્ય સહાયની જરૂરિયાતને વધુ મજબૂત બનાવે છે. કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ જણાવ્યું હતું કે, “રસ્તાઓ પર 70 ટકા ટ્રાફિક અને માલભાડાના ખર્ચમાં 14-16 ટકાનો વધારો થવાને કારણે, ભારત પરિવહન ક્ષેત્રમાં નોંધપાત્ર પડકારોનો સામનો કરી રહ્યું છે.”

ટ્રક ડ્રાઇવરોની અછત એક મોટો મુદ્દો
ગડકરીએ જણાવ્યું હતું કે ભારતના પરિવહન ક્ષેત્ર સામે એક મોટો મુદ્દો ડ્રાઇવરોની અછત છે અને દર 100 ટ્રક માટે ફક્ત 75 ડ્રાઇવરો છે. તેમણે કહ્યું, “અમે ડ્રાઇવરોની તાલીમ અને કલ્યાણ પર ધ્યાન કેન્દ્રિત કરીને આ સમસ્યાનું નિરાકરણ લાવી રહ્યા છીએ. અમે તેમના જીવનને સુધારવા માટે ડિજિટલાઇઝેશન અને એપ્લિકેશન એકીકરણ માટે પ્રતિબદ્ધ છીએ. ” દેશભરમાં આવશ્યક ચીજવસ્તુઓના પરિવહન માટે ટ્રક એક મહત્વપૂર્ણ માધ્યમ છે. ટ્રકોને ભારતીય લોજિસ્ટિક્સ ક્ષેત્રની કરોડરજ્જુ પણ કહેવામાં આવે છે. જોકે, આ ટ્રકો ચલાવતા ડ્રાઇવરોને ઘણીવાર મુશ્કેલ પડકારો અને કઠિન જીવનશૈલીનો સામનો કરવો પડે છે. આમાં ટ્રક ડ્રાઇવિંગના લાંબા કલાકો, અનિયમિત શિફ્ટ, પરિવારથી દૂર લાંબા સમય અને વિવિધ સ્વાસ્થ્ય સમસ્યાઓનો સમાવેશ થાય છે.

આ પણ વાંચો : શ્રદ્ધાળુઓ કરતા VIP પર વધારે ધ્યાન આપવાનું પરિણામ,રાહુલ ગાંધીએ યોગી સરકાર પર કર્યા પ્રહાર