મતદાન દરમિયાન ગારિયાબંધમાં નક્સલીઓનો હુમલો, IED બ્લાસ્ટમાં ITBPનો જવાન શહીદ
- છત્તીસગઢના ગારિયાબંધમાં મતદાન દરમિયાન નક્સલી હુમલો કરવામાં આવ્યો છે, આ ઘટનામાં મતદાન બુથ પર તૈનાત ઈન્ડો તિબેટીયન પોલીસ ફોર્સનો એક જવાન શહીદ થયો છે.
છત્તીસગઢ: છત્તીસગઢના ગારિયાબંદ જિલ્લામાં નક્સલવાદીઓ દ્વારા IED બ્લાસ્ટના સમાચાર પ્રકાશમાં આવ્યા છે. જેમાં ઈન્ડો તિબેટીયન પોલીસ ફોર્સ (ITBP)નો એક જવાન શહીદ થયો છે. આ ઘટના ગારિયાબંદ જિલ્લાના બડે ગોબરા ગામમાં બની છે. વિસ્ફોટની ઘટના એવા સમયે બની જ્યારે ગારિયાબંદ જિલ્લામાં વિધાનસભા ચૂંટણીના બીજા તબક્કામાં મતદાન ચાલી રહ્યું હતું. કોઈપણ પ્રકારની વિક્ષેપની સંભાવનાને ધ્યાનમાં રાખીને મતદાન મથકોમાં સુરક્ષાની પૂરતી વ્યવસ્થા કરવામાં આવી છે, પરંતુ આ દરમિયાન આ ઘટના પ્રકાશમાં આવી રહી છે. પોલીસ વિભાગ દ્વારા IED બ્લાસ્ટની પુષ્ટિ કરવામાં આવી છે.
ITBP jawan killed in blast triggered by Naxalites in Chhattisgarh’s Gariaband district amid polling for assembly elections
— Press Trust of India (@PTI_News) November 17, 2023
આ ઘટનામાં પોલીસ અધિકારીનું નિવેદન સામે આવ્યું છે. અધિકારીએ જણાવ્યું કે, છત્તીસગઢના ગારિયાબંદ જિલ્લામાં શુક્રવારે નક્સલવાદીઓ દ્વારા કરવામાં આવેલા લેન્ડમાઈન વિસ્ફોટમાં મતદાન બુથની સુરક્ષા કરી રહેલા ઈન્ડો-તિબેટિયન બોર્ડર પોલીસના એક હેડ કોન્સ્ટેબલ શહીદ થયો છે. પહેલા તબક્કામાં 12 નક્સલ પ્રભાવિત બેઠકો પર પણ મતદાન થયું હતું. 7 નવેમ્બરે યોજાયેલા મતદાન દરમિયાન કેટલીક જગ્યાએ સુરક્ષા દળો અને નક્સલવાદીઓ વચ્ચે અથડામણની ઘટનાઓ બની હતી.
સુરક્ષાકર્મીઓ મતદાન કરીને પરત ફરી રહ્યા હતા ત્યારે વિસ્ફોટ થયો
ગારિયાબંદ જિલ્લાની બિન્દ્રાવગઢ વિધાનસભા બેઠકના 9 મતદાન મથકોને નક્સલ પ્રભાવિત જાહેર કરવામાં આવ્યા હતા. આ વિસ્તારમાં સવારે 7 વાગ્યાથી બપોરે 3 વાગ્યા સુધી મતદાન થયું હતું. જ્યારે મતદાન બુથ પરત ફરી રહ્યો હતો, ત્યારે નક્સલવાદીઓએ લગભગ 4.45 વાગ્યે બડે ગોબરા ગામ પાસે IED બ્લાસ્ટ કર્યો હતો. આ વિસ્ફોટમાં ITBP જવાન યોગેન્દ્ર સિંહ શહીદ થયા છે.
આ પણ વાંચો: શું કેજરીવાલે જેલમાં જવાની તૈયારી શરૂ કરી? જાણો સીએમ-પદ માટે શું કહ્યું
