અમદાવાદ : ઓલિમ્પિક સિલ્વર મેડલ વિજેતા વેઈટલિફ્ટર મીરાબાઈ ચાનુએ પણ 36મી નેશનલ ગેમ્સમાં ભવ્ય પદાર્પણ કર્યું હતું. તેણે શુક્રવારે વેટલિફ્ટિંગ 49 કિગ્રા વર્ગમાં ગોલ્ડ મેડલ જીત્યો હતો. મીરાબાઈએ કુલ 191 કિલો વજન ઉપાડીને ગોલ્ડ મેડલ જીત્યો હતો. મીરાએ ટોક્યો ઓલિમ્પિકમાં સિલ્વર મેડલ તેમજ આ વર્ષે બર્મિંગહામમાં કોમનવેલ્થ ગેમ્સમાં ગોલ્ડ મેડલ જીત્યો હતો. તેણે નેશનલ ગેમ્સમાં સ્નેચ રાઉન્ડમાં 84 કિગ્રા અને ક્લીન એન્ડ જર્ક રાઉન્ડમાં 107 કિગ્રા વજન ઉપાડ્યું હતું.
Happy on winning gold medal in the 36th National Games 2022 in Gujarat. pic.twitter.com/AKTBQBni6f
— Saikhom Mirabai Chanu (@mirabai_chanu) September 30, 2022
ઇજાના કારણે ત્રીજા રાઉન્ડમાં નહતો લીધો ભાગ
મીરાબાઈની આ બીજી રાષ્ટ્રીય રમત છે. ફાઇનલમાં તેણે સંજીતા ચાનુને ચાર કિલોના માર્જિનથી હરાવ્યું. સંજીતાએ કુલ 187 કિલો વજન ઉપાડ્યું. સ્નેચ રાઉન્ડમાં સંજીતાએ 82 કિગ્રા અને ક્લીન એન્ડ જર્ક રાઉન્ડમાં 105 કિગ્રા વજન ઉઠાવીને સિલ્વર મેડલ જીત્યો હતો. બીજી તરફ ઓડિશાની સ્નેહા સોરેને બ્રોન્ઝ મેડલ જીત્યો હતો. સ્નેહાએ સ્નેચ રાઉન્ડમાં 73 કિલો અને ક્લીન એન્ડ જર્ક રાઉન્ડમાં 96 કિલો વજન ઉપાડ્યું હતું. મીરાબાઈએ ખુલાસો કર્યો કે તેણીના ડાબા કાંડામાં થયેલી ઈજાની સારવાર ચાલી રહી હતી, જેના કારણે તેણીએ બંને રાઉન્ડમાં ત્રીજા પ્રયાસમાં ભાગ લીધો ન હતો. મેચ બાદ મીરાએ કહ્યું- તાજેતરમાં NIS, પટિયાલામાં ટ્રેનિંગ દરમિયાન મારા ડાબા કાંડામાં ઈજા થઈ હતી. તે પછી મેં ખાતરી કરી કે તે વધુ જોખમમાં ન આવે. ડિસેમ્બરમાં મારે વર્લ્ડ ચેમ્પિયનશિપ પણ રમવાની છે.
Saikhom Mirabai Chanu is all smiles after winning yet another #Gold ! ????
Congratulations to all the medalists in the 49kg #weightlifting event! #36thNationalGames #Manipur #Odisha #NationalGames #UnityThroughSports@CMOGuj @Media_SAI @sagofficialpage @mirabai_chanu pic.twitter.com/sDrQUBtJtr
— National Games Gujarat (@Nat_Games_Guj) September 30, 2022
વર્લ્ડ ચેમ્પિયનશીપ અને એશિયન ગેમ્સમાં ગોલ્ડ જીતવાનું સપનું
મીરાબાઈએ કહ્યું- નેશનલ ગેમ્સમાં મણિપુરનું પ્રતિનિધિત્વ કરવું મારા માટે ગર્વની ક્ષણ છે. જ્યારે મને ઓપનિંગ સેરેમનીમાં ટીમનું નેતૃત્વ કરવાનું કહેવામાં આવ્યું ત્યારે ઉત્સાહ બમણો થઈ ગયો. તેણે કહ્યું કે સામાન્ય રીતે ઉદ્ઘાટન સમારોહમાં હાજરી આપવી એક પડકાર છે કારણ કે બીજા જ દિવસે મારી ઇવેન્ટ છે, પરંતુ આ વખતે મને લાગ્યું કે મારે મારી જાતને પડકાર આપવો જોઈએ. મીરાબાઈનું લક્ષ્ય આ વર્ષે વર્લ્ડ ચેમ્પિયનશિપ અને આવતા વર્ષે એશિયન ગેમ્સમાં ગોલ્ડ મેડલ જીતવાનું છે.
