અમદાવાદ, 23 ડિસેમ્બર : ખેડૂત દિવસ આજે એટલે કે 23મી ડિસેમ્બરે ઉજવવામાં આવે છે. દેશના ખેડૂતોના સન્માનમાં 2001થી આ દિવસને ખેડૂત દિવસ તરીકે ઉજવવામાં આવે છે. ભારત એક કૃષિપ્રધાન દેશ છે અને આપણા દેશની અર્થવ્યવસ્થામાં ખેડૂતોનું પણ મહત્વનું યોગદાન છે. રાષ્ટ્રીય ખેડૂત દિવસ દર વર્ષે 23 ડિસેમ્બરે ઉજવવામાં આવે છે. ખેડૂતો આપણા દેશની કરોડરજ્જુ સમાન છે. કારણ કે તે સમગ્ર દેશના લોકોનું પેટ ભરવામાં યોગદાન આપે છે.
ભારતમાં ખેડૂતને ખોરાક આપનાર અને જમીનનો પુત્ર કહેવામાં આવે છે. તેઓ આકરા તાપ, વરસાદ અને કડકડતી ઠંડીમાં હવામાનની પરવા કર્યા વિના રાત-દિવસ ખેતરોમાં કામ કરે છે. તેથી, ખેડૂતોના સન્માન માટે દર વર્ષે ખેડૂત આ દિવસની ઉજવણી કરવામાં આવે છે.
રાષ્ટ્રીય ખેડૂત દિવસનો ઇતિહાસ
દેશના પાંચમા વડાપ્રધાન ચૌધરી ચરણ સિંહની જન્મજયંતિ નિમિત્તે ઉજવવામાં આવે છે. તેઓ 1979 થી 1980 સુધી દેશના વડાપ્રધાન હતા. આટલા ટૂંકા કાર્યકાળમાં તેમણે ખેડૂતોના કલ્યાણ માટે અનેક કાર્યક્રમો ચલાવ્યા હતા. તેમણે ખેડૂતોના સશક્તિકરણ માટે ઘણા કાયદા અને નીતિઓ બનાવી હતી. વર્ષ 2001માં, ભારત સરકારે ભૂતપૂર્વ પીએમ ચૌધરી ચરણ સિંહના સન્માનમાં 23 ડિસેમ્બરને રાષ્ટ્રીય ખેડૂત દિવસ તરીકે જાહેર કર્યો હતો.
રાષ્ટ્રીય ખેડૂત દિવસનું મહત્વ
ખેડૂત દિવસ મુખ્યત્વે ભારતના કૃષિ રાજ્યો, જેવા કે ઉત્તર પ્રદેશ, હરિયાણા, પંજાબ અને મધ્ય પ્રદેશમાં ઉજવવામાં આવે છે. આ દિવસે, દેશના ઘણા રાજ્યોમાં ઘણા પ્રકારના કાર્યક્રમોનું આયોજન કરવામાં આવે છે, જેમાં ખેડૂતોને મંચ પર તેમના વિચારો રજૂ કરવાની તક મળે છે.
આ ઉપરાંત, ભારત સિવાય અમેરિકા, ઘાના, વિયેતનામ અને પાકિસ્તાન જેવા ઘણા દેશોમાં પણ ખેડૂત દિવસની ઉજવણી કરવામાં આવે છે. આ દેશોમાં ખેડૂત દિવસ અલગ-અલગ તારીખે ઉજવવામાં આવે છે.
આ પણ વાંચો : જો પૃથ્વી પરનો તમામ ગ્લેશિયર પીગળી જાય તો શું થશે?
