‘વેચેલો માલ પરત નહીં લેવામાં આવે’, આવું લખનારા દુકાનદારને દંડ થાય? જાણો નિયમ

નવી દિલ્હી, તા.24 ડિસેમ્બર, 2024: 24 ડિસેમ્બરના રોજ સમગ્ર દેશમાં રાષ્ટ્રીય ગ્રાહક અધિકાર દિવસની ઉજવણી કરવામાં આવે છે. ભારતમાં 1986માં ગ્રાહક સુરક્ષા કાયદો ઘડવામાં આવ્યો હતો. બાદમાં તેનું સ્થાન 2019 ના ગ્રાહક સુરક્ષા કાયદા દ્વારા લેવામાં આવ્યું હતું.

આ કાયદા હેઠળ ભારતમાં ગ્રાહકોને ચોક્કસ અધિકારો આપવામાં આવે છે. આ અધિકારો માત્ર ગ્રાહકોને છેતરપિંડી ટાળવામાં મદદ કરતા નથી. પરંતુ તે નબળી ઉત્પાદકતા અને નબળી સેવાને કારણે થતા નુકસાનથી પણ તેમનું રક્ષણ કરે છે. ચાલો અમે તમને ગ્રાહકોના અધિકાર વિશે જણાવીએ જે કદાચ બહુ ઓછા લોકો જાણે છે.

શું તમે દુકાન પર ‘વેચેલો માલ પાછો નહીં આવે’ લખી શકો છો?

જ્યારે તમે બજારમાં કંઈક ખરીદવા જાઓ છો તો તમને ઘણીવાર આવી ઘણી દુકાનો પર વેચવામાં આવેલી કોઈપણ વસ્તુ પરત કરવામાં આવશે નહીં તેમ લખેલું જોવા મળશે. લોકો આવી દુકાનોમાંથી કંઈપણ ખરીદતા પહેલા વિચારે છે. કારણ કે તેઓ જાણે છે કે કઈંક ખરાબી હશે, નહીં ગમે તો બદલી આપવામાં આવશે નહીં. પરંતુ શું દુકાનદાર તેની દુકાન પર ‘વેચાયેલો માલ પાછો નહીં આવે’ તેવું કાયદેસર રીતે લખી શકે છે?

શું તમે ક્યારેય તમારી જાતને એક પ્રશ્ન પૂછ્યો છે? જો નહીં, તો અમારી પાસે જવાબ છે. કોઈ પણ દુકાનદાર તેની દુકાન પર ‘વેચેલો માલ પાછો નહીં આવે’ એવું લખી શકતો નથી. આ ગ્રાહક સુરક્ષા અધિનિયમ, 2019ની જોગવાઈઓનું ઉલ્લંઘન છે. આ માટે દુકાનદારને સજા થઈ શકે છે અને તેને દંડ પણ ભરવો પડી શકે છે.

જો તમે ઈચ્છો, તો તમે તમારા જિલ્લાની ગ્રાહક અદાલતમાં ફરિયાદ દાખલ કરી શકો છો. વૈકલ્પિક રીતે, તમે રાષ્ટ્રીય ગ્રાહક હેલ્પલાઈન https://Consumerhelpline.gov.in/public ની મુલાકાત લઈને પણ તમારી ફરિયાદ નોંધાવી શકો છો. જે દુકાનદાર આવું કરશે તેને માત્ર દંડ જ નહીં થાય. તેની સામે કડક કાર્યવાહી કરવામાં આવશે.

આ પણ વાંચોઃ અમેરિકામાં માત્ર બે જ જાતિ રહેશે , જાણો ટ્રમ્પનો શું છે એકશન પ્લાન