ઈન્ડિયા નહીં, હવે પાઠ્ય પુસ્તકોમાં માત્ર ભારત, NCERT પેનલે આપી મંજૂરી
- NCERT પેનલે તમામ પાઠ્યપુસ્તકોમાં ઈન્ડિયાની જગ્યાએ ભારત રાખવાનું નક્કી કર્યું
- હવે બાળકોને NCERTના પુસ્તકોમાં ઈન્ડિયાને બદલે ભારત ભણાવવામાં આવશે.
નવી દિલ્હીઃ NCERT પુસ્તકોમાં એક નવો ઐતિહાસિક ફેરફાર થવા જઈ રહ્યો છે. આ ફેરફાર બાદ હવે વિદ્યાર્થીઓને પુસ્તકોમાં ઈન્ડિયાને બદલે ભારત શબ્દ શીખવવામાં આવશે.NCERT પેનલે તમામ NCERT પાઠ્યપુસ્તકોમાં ઈન્ડિયાનું નામ બદલીને ભારત રાખવાના પ્રસ્તાવને સર્વસંમતિથી સ્વીકારી લીધો છે.
પેનલના સભ્યોમાંથી એક સીઆઈ આઈઝેકે જણાવ્યું હતું કે NCERT પુસ્તકોના આગામી સેટમાં ઈન્ડિયા નામ બદલીને ભારત રાખવામાં આવશે.આ દરખાસ્ત થોડા મહિના પહેલાં કરવામાં આવી હતી જેને હવે સ્વીકારી લેવામાં આવી છે. સમિતિએ પાઠ્યપુસ્તકોમાં હિન્દુ વિજયો ને પ્રકાશિત કરવાની પણ ભલામણ કરી છે.
NCERT समिति ने सभी स्कूली पाठ्यपुस्तकों में इंडिया की जगह ‘भारत’ लिखने की सिफारिश की है। pic.twitter.com/wgMUHoomBQ
— ANI_HindiNews (@AHindinews) October 25, 2023
સમિતિએ પાઠ્યપુસ્તકોમાં પ્રાચીન ઇતિહાસની જગ્યાએ શાસ્ત્રીય ઇતિહાસનો સમાવેશ કરવાની ભલામણ કરી હતી. ઇતિહાસને હવે પ્રાચીન, મધ્યકાલીન અને આધુનિકમાં વિભાજિત કરવામાં આવશે નહીં, કારણ કે આ દર્શાવે છે કે ભારત એક જૂનું રાષ્ટ્ર છે અને બ્રિટિશ સામ્રાજ્યવાદથી અજાણ છે. અંગ્રેજોએ ભારતીય ઇતિહાસને પ્રાચીન, મધ્યકાલીન અને આધુનિકમાં વિભાજિત કર્યો છે. હવે એન્શિયન્ટ અર્થ પ્રાચીન થાય છે. તે દર્શાવે છે કે દેશ અંધકારમાં હતો, જાણે તેમાં કોઈ વૈજ્ઞાનિક જાગૃતિ ન હતી. સૂર્યમંડળ પર આર્યભટ્ટના કાર્ય સહિત આવા ઘણાં ઉદાહરણો છે.
આઈઝેકે કહ્યું કે હકીકતમાં ઈસ્ટ ઈન્ડિયા કંપની અને 1757ના પ્લાસીના યુદ્ધ પછી ઈન્ડિયા શબ્દનો ઉપયોગ થવા લાગ્યો હતો. વિષ્ણુ પુરાણ જેવા પ્રાચીન ગ્રંથોમાં ભારત શબ્દનો ઉલ્લેખ છે જે સાત (7) હજાર વર્ષ જૂના છે. આવી સ્થિતિમાં સમિતિએ સર્વાનુમતે ભલામણ કરી છે કે તમામ વર્ગોના પુસ્તકોમાં ભારતનું નામ હોવું જોઈએ.
તમામ વિષયોમાં IKS શરૂ કરવામાં આવશે
તમામ વિષયોના અભ્યાસક્રમમાં ભારતીય જ્ઞાન પ્રણાલી (IKS)ની રજૂઆત પણ આ નવા ફેરફારનો એક ભાગ છે. યાદ રહે, આ સમિતિ 25 સમિતિઓમાંની એક છે જે રાષ્ટ્રીય શિક્ષણ નીતિ 2020 મુજબ અભ્યાસક્રમમાં ફેરફાર કરવા માટે કેન્દ્રીય સ્તરે NCERT સાથે કામ કરી રહી છે. હાલમાં નવીનતમ પાઠ્યપુસ્તકો આવવાના બાકી છે.
