મહાઓફર: 151 પાણીપુરી ખાશો તો 21 હજારનું ઈનામ મળશે,આટલા રુપિયા ભરો તો આખું વર્ષ ફ્રીમાં ખાઈ શકશો
નાગપુર, 15 ફેબ્રુઆરી 2025: પાણીપુરી ખાવાના શોખીન લોકો માટે નાગપુરમાં એક દુકાનદારે ગ્રાહકોને અનોખી ઓફર આપી છે. દુકાન પર લખાયેલા પોસ્ટરમાં જણાવ્યું છે કે જો કોઈ ગ્રાહક એક સાથે 151 પાણી પુરી ખાશે તો તેને 21 હજારનું ઈનામ આપવામાં આવશે.
દુકાનદારે ગ્રાહકો માટે વીકલી, મંથલી, વાર્ષિક અને લાઈફટાઈમ ફ્રી પાણી પુરી ખવડાવવાની ઓફર પણ આપી છે. તેના માટે વન ટાઈમ નક્કી કરેલી રકમ આપવાની રહેશે. દુકાનદારના જણાવ્યા અનુસાર જો કોઈ ગ્રાહક આખું અઠવાડીયું ભરપેટ પાણીપુરી ખાવા માગે છે તો તેને 600 રુપિયા એક વાર જમા કરાવવા પડશે. જો કોઈ એક મહિના સુધી ખાવા માગે છે તો તેને પાંચ હજાર રુપિયા આપવા પડશે. સાથે જ 500 રુપિયા સુધી દુકાનમાં રહેલી કોઈ પણ આઈટમ ફ્રીમાં ખાવા મળશે. સતત છ મહિના સાથે ખાવા પર છઠ્ઠા મહિનામાં 30 હજાર રુપિયા ઈનામ તરીકે મળશે.
5000 જમા કરાવશો તો આખું વર્ષ ફ્રીમાં ખાઈ શકશો
દુકાનદારે વાર્ષિક ઓફર પણ આપી છે. તે અનુસાર, પાંચ હજાર રુપિયા જમા કરાવવા પર 10 હજાર રુપિયા સુધીની પાણીપુરી આખું વર્ષ ખાવા મળશે. જો કોઈ ગ્રાહક રોજ પાણીપુરી ખાશે તો તેને 95 રુપિયાની અનલિમિટેડ પાણીપુરી ખાવા મળશે.
#WATCH | Nagpur, Maharashtra | Panipuri vendor in Nagpur offers unique discounts such as unlimited lifetime Panipuri for Rs 99,000 or a reward of Rs 21,000 on eating 151 Panipuris in one sitting to attract customers. pic.twitter.com/pebmO2crx3
— ANI (@ANI) February 14, 2025
99 હજાર જમા કરવા પર જિંદગીભર ફ્રી પાણીપુરી
પાણીપુરીના વેપારીએ 99,000 રુપિયા ચુકવવા પર આખી જિંદગી પાણીપુરી ફ્રીમાં ખવડાવવાની જાહેરાત આપી છે. આ ડિલ અંતર્ગત ગ્રાહક કોઈ પણ સમયે સ્ટોલ પર આવી શકે છે અને શરુઆતી રોકાણ બાદ મફતમાં પાણીપુરીનો આનંદ લઈ શકે છે.
આ પણ વાંચો: આવતીકાલે મહાકુંભમાં ડુબકી લગાવશે રાહુલ ગાંધી અને પ્રિયંકા ગાંધી, 1000 કોંગ્રેસી કાર્યકર્તાઓ પણ સ્નાન કરશે
