નાગપુરમાં આફતનો વરસાદ, રસ્તા પાણી-પાણી, દુકાનો અને ઘરોમાં ઘુસ્યા પાણી
મહારાષ્ટ્રના નાગપુરમાં રાતભર પડેલા મુશળધાર વરસાદને કારણે જનજીવન અસ્તવ્યસ્ત થઈ ગયું છે. રસ્તાઓ વરસાદી પાણીથી ભરાઈ ગયા છે. શહેરમાં અનેક ઘરોમાં પાણી ઘૂસી ગયા છે. ભારે વરસાદને જોતા નાગપુરના કલેક્ટરે જિલ્લાની તમામ શાળા અને કોલેજોમાં રજા જાહેર કરી છે. હવામાન વિભાગે જણાવ્યું કે નાગપુરમાં 106 મીમી વરસાદ નોંધાયો છે.
નાગપુરના મોર ભવન બસ ડેપોમાં પાણી ઘૂસી ગયા છે. અનેક બસો પાણીમાં ફસાઈ ગઈ છે. નાગપુર મ્યુનિસિપલ કોર્પોરેશન તરફથી બચાવ કાર્ય ચાલુ છે. નાગપુર ગોરેવાડા તળાવના બે દરવાજા ખોલવામાં આવ્યા છે. અંબાઝરી તળાવ છલકાઈ રહ્યું છે.
Nagpur, Maharashtra: A team of NDRF conducts floodwater rescue operations and safely evacuates 6 people in the Ambajhari Lake area. Rescue operation is still underway: NDRF
(Source: NDRF) pic.twitter.com/bgfsJsmIEl
— ANI (@ANI) September 23, 2023
નાગપુર મ્યુનિસિપલ કોર્પોરેશનના અધિકારીઓએ લોકોને સલાહ આપી છે કે જ્યાં સુધી કોઈ મહત્વપૂર્ણ કામ ન હોય ત્યાં સુધી તેઓ પોતાના ઘરમાં જ રહે.હવામાન વિભાગે ભંડારા અને ગોંદિયા જિલ્લામાં વરસાદ અને ગાજવીજની ચેતવણી પણ જારી કરી છે. અમરાવતી, યવતમાલ અને ગઢચિરોલીમાં આજે વરસાદની સંભાવના છે.
#WATCH | Maharashtra: Following incessant rainfall, heavy water logging witnessed at the Canal Road Ramdaspeth, in Nagpur. pic.twitter.com/Cu8NOsNcpT
— ANI (@ANI) September 23, 2023
નાયબ મુખ્યમંત્રી દેવેન્દ્ર ફડણવીસે ટ્વીટ કરીને નાગપુર મ્યુનિસિપલ કોર્પોરેશનના કમિશનરને રાહત અને બચાવ કામગીરી ઝડપી બનાવવાનો નિર્દેશ આપ્યો છે. તે જ સમયે, SDRFની ટીમ પાણી ભરાયેલા વિસ્તારોમાં પહોંચી ગઈ છે. આંબાઝરી તળાવ ઓવરફ્લો થવાથી શહેરની નીચલી વસાહતો છલકાઈ ગઈ છે.
શુક્રવાર સાંજથી નાગપુર, નાસિક, થાણે સહિત મહારાષ્ટ્રના ઘણા વિસ્તારોમાં વરસાદ પડી રહ્યો છે. કેટલીક જગ્યાએ ભારે વરસાદ પડી રહ્યો છે અને ઘણી જગ્યાએ હળવો વરસાદ થઈ રહ્યો છે. સતત વરસાદને કારણે રાજ્યમાં અનેક જગ્યાએ જળબંબાકાર અને પૂરની સ્થિતિ સર્જાઈ છે. હવામાન વિભાગે પહેલેથી જ અહીં ભારે વરસાદનું એલર્ટ જાહેર કર્યું હોવાથી વરસાદ શરૂ થતાં જ બચાવ એજન્સીઓ સક્રિય થઈ ગઈ હતી.
