કર્ણાવતી કલબમા સળંગ ચોથીવાર N.G.Patel નો વિજય વાવટો
અમદાવાદની સાથે સાથે ગુજરાતના સૌથી પ્રતિષ્ઠિત તેમજ જૂના અને જાણીતા કલબ કર્ણાવતી કલબમાં સતત ચોથી વખત પ્રમુખ તરીકે નગીનભાઈ જી પટેલ (N.G.Patel)ની પસંદગી થઈ છે. ફરી એક વખત કલબના સભ્યોએ નગીનભાઈ પટેલ અને તેમની ટીમ પર વિશ્વાસ રાખીને તેમના હાથમાં કમાન સોંપી છે.
આ સાથે જ કેતન બી. પટેલની માનદમંત્રી તરીકે જ્યારે જયેશ મોદી, નિમેષ પટેલ, અને સતીષ શાહની ઉપપ્રમુખ તરીકે પસંદગી થઈ છે.
સતત કાર્યશીલ નગીનભાઈ પટેલ કલબના ઉત્થાન માટે કામ કરતાં રહ્યા છે. કર્ણાવતી કલબ લાંબા સમયથી તેની સ્પોર્ટસ એક્ટિવીટી માટે જાણીતું છે. જેમાં સભ્યોના હિત માટે નગીનભાઈ પટેલ સતત કાર્યરત રહ્યા છે.
તેમના દ્વારા નવી નવી સ્પોર્ટસ એક્ટિવિટીને પ્રોત્સાહન આપવાની વિશેષ રૂચિ રહી છે. તેમના દ્વારા જ મેમ્બરોને એકસાથે જોડીને કાર્યક્રમમો કરવાની પણ તેમની આવડત રહી છે.
આ ઉપરાંત કમિટી મેમ્બરની ટીમમાં જોઇન્ટ સેક્રેટરી તરીકે અજય ઠક્કર અને આશિષ દેસાઈના નામની પસંદગી થઈ છે. આગામી સમયમાં નગીનભાઈ પટેલની ટીમ કલબમાં વધુ સારી કામગીરી કરી શકે તેના માટે સભ્યોએ તેમનામાં વિશ્વાસ મુક્યો છે.
આ ઉપરાંત આ ટીમ ટુંક સમયમાં વર્લ્ડ ક્લાસ સેવાઓ સાથેની નવી જ ક્લબ બનાવવાની દિશામાં પણ કામ કરી રહ્યા છે.
