નાગાલેન્ડના પ્રથમ મહિલા ધારાસભ્ય બન્યા મંત્રી, PM મોદીએ આ રીતે આપ્યા અભિનંદન
નાગાલેન્ડ વિધાનસભામાં ચૂંટાયેલા પ્રથમ મહિલા ધારાસભ્ય સલ્હોતુઓનુઓ ક્રુસે મંગળવારેના રોજ મંત્રી તરીકે શપથ લીધા હતા. નાગાલેન્ડમાં NDPPના નેફ્યુ રિયોના નેતૃત્વમાં સર્વપક્ષીય સરકારે વડા પ્રધાન નરેન્દ્ર મોદીની હાજરીમાં શિલોંગમાં શપથ લીધા. આ કાર્યક્રમમાં કેન્દ્રીય ગૃહમંત્રી અમિત શાહ, ભાજપ અધ્યક્ષ જેપી નડ્ડા, આસામના મુખ્યમંત્રી હિમંતા બિસ્વા સરમા પણ હાજર હતા.
પદના શપથ ગ્રહણ કર્યા બાદ પીએમ મોદીએ સાલ્હોતુઓનુઓ ક્રુસને હાથ જોડીને અભિનંદન પાઠવ્યા હતા. આ દરમિયાન બંને હસતા જોવા મળ્યા હતા. પ્રથમ વખત નાગાલેન્ડ વિધાનસભામાં બે મહિલાઓ જીતી છે. નેશનલ ડેમોક્રેટિક પ્રોગ્રેસિવ પાર્ટી (NDPP) ના ઉમેદવાર સાલ્હોતુઓનુઓ ક્રુસે પશ્ચિમ અંગામી બેઠક પરથી સ્વતંત્ર ઉમેદવારને સાત મતોથી હરાવ્યા હતા. જ્યારે એનડીપીપીના ઉમેદવાર હેકાની જાખલુ દીમાપુર-3 બેઠક પરથી જીત્યા છે.
Nine MLAs including G Kaito Aye, Jacob Zhimomi, KG Kenye, P Paiwang Konyak, Metsubo Jamir, Temjen Imna Along, CL John, Salhoutuonuo Kruse and P Bashangmongba Chang take oath as ministers in the Nagaland cabinet pic.twitter.com/QyQnCsDBl2
— ANI (@ANI) March 7, 2023
નેફ્યુ રિયો પાંચમી વખત મુખ્યમંત્રી બન્યા
નેફ્યુ રિયોએ સતત પાંચમી વખત મુખ્યમંત્રી તરીકે શપથ લીધા છે. તેઓ રાજ્યમાં સર્વપક્ષીય સરકારનું નેતૃત્વ કરી રહ્યા છે જ્યાં કોઈ વિરોધ પક્ષ નહીં હોય. ટીઆર ઝેલિયાંગ, વાય પેટને નાગાલેન્ડના નાયબ મુખ્યમંત્રી તરીકે શપથ લીધા. ગવર્નર લા ગણેશને રિયો કેબિનેટના અન્ય સભ્યોને શપથ લેવડાવ્યા હતા.
આ ધારાસભ્યોએ શપથ લીધા
રાજધાની શિલોંગમાં કોનરાડ સંગમાની સરકારના શપથ ગ્રહણ સમારોહમાં બે ડેપ્યુટી CMએ પણ શપથ લીધા હતા. પ્રેસ્ટન ટાયન્સોંગ અને સ્નીવભાલંગ ધરને મેઘાલયના ડેપ્યુટી સીએમ બનાવવામાં આવ્યા છે. અબુ તાહિર મંડલ, કિરમેન શાયલા, માર્ક્વિસ એન મારક અને રક્કમ એ સંગમાએ મેઘાલય સરકારમાં મંત્રી તરીકે શપથ લીધા. આ સાથે એલેક્ઝાન્ડર લાલુ હેક, ડૉ. એમ. અમ્પારીન લિંગદોહ, પૌલ લિંગદોહ અને કોમિન્ગોન યામ્બોન, શકલિયર વર્જરીએ પણ મંત્રી તરીકે શપથ લીધા.
45 ધારાસભ્યોનું સમર્થન
કોનરાડ સંગમાએ ભાજપ સાથે મળીને સરકાર બનાવવાનો દાવો કર્યો હતો. આ માટે તેમણે 22 ધારાસભ્યોના હસ્તાક્ષર કરેલો સમર્થન પત્ર રાજ્યપાલને સોંપ્યો હતો. બાદમાં, તેમને યુનાઇટેડ ડેમોક્રેટિક પાર્ટીના 11 ધારાસભ્યો અને પીપલ્સ ડેમોક્રેટિક ફ્રન્ટના 2 વધુ ધારાસભ્યોનું સમર્થન પણ મળ્યું. આ રીતે સંગમાને 45 ધારાસભ્યોનું સમર્થન મળ્યું.
આ પણ વાંચો : કોનરાડ સંગમાએ મેઘાલયના CM તરીકે લીધા શપથ, મંચ પર PM મોદી અને અમિત શાહ સહિત દિગ્ગજ હાજર
