મુંબઈ ઈન્ડિયન્સ IPL 2024માં આ 3 વિદેશી ખેલાડીઓને રિલીઝ કરી શકે છે

• મુંબઈ ઈન્ડિયન્સ આઈપીએલ 2024ની હરાજી પહેલા 3 વિદેશી ખેલાડીઓને રિલીઝ કરી શકે છે.
• જેમાં જોફ્રા આર્ચરનું નામ સામેલ છે.
• બે વધુ વિદેશી ખેલાડીઓ છે જેમને રિલીઝ કરી શકે છે.

IPL 2024, 25 નવેમ્બર: IPL2024ની હરાજી આવતા મહિને યોજાવાની છે, પરંતુ આવતીકાલ સાંજ સુધીમાં IPLની તમામ ટીમોએ BCCIને એવા ખેલાડીઓના નામ સબમિટ કરવાના રહેશે કે જેમને રિટેન કરવામાં આવ્યા છે અથવા રિલિઝ કરવામાં આવ્યા છે. દરેક ટીમ કોઈને કોઈ ખેલાડીને રિલીઝ કરવા જઈ રહી છે. ચાલો જાણીએ કે પાંચ વખતની IPL વિજેતા મુંબઈ ઈન્ડિયન્સ કયા ખેલાડીને રિલીઝ કરી શકે છે, કારણ કે તે તેમના ઓલરાઉન્ડર હાર્દિક પંડ્યાની વાપસી ઈચ્છે છે. જેના કારણે ત્રણમાંથી એક-બે અથવા ત્રણેય વિદેશી ખેલાડીઓ બહાર થઈ શકે છે.

1. જોફ્રા આર્ચર

મુંબઈ ઈન્ડિયન્સ હાર્દિક પંડ્યાને 15 કરોડની કિંમતમાં પોતાની ટીમમાં લેવા માંગે છે. જોકે ટીમ પાસે લગભગ 5 કરોડ રૂપિયાનું બજેટ છે. આવી સ્થિતિમાં ટીમે કેટલાક મોટા ખેલાડીઓને છોડવા પડશે. આ કારણોસર, જોફ્રા આર્ચર રિલીઝ થનારી યાદીમાં પ્રથમ સ્થાને છે, જે છેલ્લી બે સિઝનમાં ટીમની સાથે હતો. પ્રથમ સિઝનમાં રમ્યા ન હતા અને 2023 સિઝનમાં માત્ર થોડી જ મેચો રમી શક્યો હતો. આવી સ્થિતિમાં 8 કરોડ રૂપિયામાં ખરીદાયેલા આ ખેલાડીને પડતો મૂકવામાં આવી શકે છે.

2. રિલે મેરેડિથ

મુંબઈ ઈન્ડિયન્સ ઓસ્ટ્રેલિયાના ફાસ્ટ બોલર રિલે મેરેડિથને પણ બહાર કરી શકે છે. તેમને ગયા વર્ષે જે રિચર્ડસનના સ્થાને ટીમમાં સામેલ કરવામાં આવ્યા હતા. મેરેડિથ રૂ. 1.5 કરોડમાં મુંબઈ ઈન્ડિયન્સનો ભાગ બન્યો હતા, પરંતુ ટીમ કોમ્બિનેશનને જોતા મેરેડિથ બહાર થઈ શકે છે, કારણ કે જસપ્રિત બુમરાહ પરત ફર્યો છે અને આકાશ માધવાલ જેવા યુવા ઝડપી બોલર ટીમ માટે સારું પ્રદર્શન કરી રહ્યા છે.

3. કેમેરોન ગ્રીન

મુંબઈ ઈન્ડિયન્સ પોતાનું બજેટ વધારવા માટે કેમેરોન ગ્રીનને પણ રિલીઝ કરી શકે છે. આઈપીએલ 2023ની હરાજીમાં મુંબઈ ઈન્ડિયન્સે તેને 17.50 કરોડ રૂપિયામાં ખરીદ્યો હતો. તેણે ઓલરાઉન્ડર તરીકે ટીમ માટે સારું પ્રદર્શન કર્યું હતું, પરંતુ ટીમે તેના પર મોટી રકમ ખર્ચી હતી. બેટ અને બોલ સાથેનું તેમનું પ્રદર્શન મુંબઈ ઈન્ડિયન્સ માટે મજબૂત હતું, પરંતુ ગ્રીનને માત્ર એટલા માટે રિલીઝ કરી શકાય છે કારણ કે તેની કિંમત 17.50 કરોડ રૂપિયા હતી.

આ પણ વાંચો, મોબાઈલ ચાર્જિંગ દરમિયાન થતું જ્યૂસ જેકિંગ ફ્રોડ શું છે?