Mumbai : ગુજરાતના ધોરણ 12ના વિદ્યાર્થીએ એરલાઈનને આપી ધમકી, પોલીસે કરી ધરપકડ
મુંબઈ પોલીસે ગુજરાતના ધોરણ 12 ના વિદ્યાર્થીની ધરપકડ કરી છે, જેણે કથિત રૂપે એક ટ્વીટ પોસ્ટ કરી હતી જેમાં દાવો કરવામાં આવ્યો હતો કે એરલાઇન અકાસા એરનું વિમાન નીચે પડી જશે. ટ્વીટ બાદ, ખાનગી એરલાઈને અહીંના એરપોર્ટ પોલીસ સ્ટેશનમાં ફરિયાદ નોંધાવી, જેના આધારે ભારતીય દંડ સંહિતાની કલમ 505 અને 506(2) હેઠળ અજાણ્યા વ્યક્તિ વિરુદ્ધ FIR દાખલ કરવામાં આવી હતી. 18 વર્ષીય વિદ્યાર્થીએ ટ્વીટ કર્યું હતું કે Akasair Boeing 737 MAX નીચે પડી જશે. શહેર પોલીસે તપાસ દરમિયાન, ગુજરાતમાં સુરતના ટ્વીટનું IP એડ્રેસ ટ્રેસ કર્યું, જેના પગલે ત્યાં એક ટીમ મોકલવામાં આવી હતી અને 27 માર્ચે વિદ્યાર્થીની ધરપકડ કરવામાં આવી હતી, એમ અધિકારીએ જણાવ્યું હતું.
આ પણ વાંચો : Bhuj : કચ્છના રણની થીમ પર બે વર્ષમાં 179.87 કરોડના ખર્ચે નવું ભુજ રેલવે સ્ટેશન બનશે
અધિકારીએ જણાવ્યું કે પૂછપરછ દરમિયાન આરોપીએ પોલીસને કહ્યું કે તેને વિમાન વિશે જાણવામાં રસ હતો અને તેને સોશિયલ મીડિયા પર આવી પોસ્ટના પરિણામોનો ખ્યાલ નહોતો. વિદ્યાર્થીએ પોલીસને એમ પણ કહ્યું હતું કે તેનો અરાજકતા સર્જવાનો ઈરાદો નહોતો. અધિકારીએ જણાવ્યું હતું કે એક દિવસની કસ્ટડી પછી, આરોપીને 5,000 રૂપિયાની જામીન પર છોડી દેવામાં આવ્યો હતો કારણ કે તેની પરીક્ષા ચાલી રહી હતી.
