ઈશા અંબાણીના બાળકોની સાથે પહેલી વખત જોવા મળ્યા મુકેશ-નીતા અંબાણી, જુઓ વીડિયો
દેશના ધનિક પરિવારની પુત્રી ઈશા અંબાણી પોતાના બંને જોડિયા બાળકો સાથે મુંબઈ પહોંચી ત્યારે તેના પરિવારે તેનું ભવ્ય સ્વાગત કર્યું હતું. ઉદ્યોગપતિ મુકેશ અને નીતા અંબાણી તેમની પુત્રી અને પૌત્રોને લેવા માટે એરપોર્ટ પહોંચ્યા હતા. હવે આ બંનેનો વીડિયો સામે આવ્યો છે. આ વીડિયોમાં ઈશા અંબાણીના બંને બાળકોની પહેલી ઝલક જોવા મળી રહી છે.
ઈશાના બાળકોનો પહેલો વીડિયો
ઈશા અંબાણી પોતાના બંને બાળકો સાથે અમેરિકાના લોસ એન્જલસથી મુંબઈ પરત ફરી છે. નવેમ્બર મહિનામાં કૃષ્ણ અને આદિયા નામના જોડિયા બાળકોને જન્મ આપ્યો હતો. આ પછી આ પહેલીવાર છે જ્યારે ઈશા ઘરે આવી છે. દીકરીના આગમનની ખુશીમાં અંબાણી પરિવારે ભવ્ય કાર્યક્રમનું આયોજન કર્યું છે. જે વીડિયો સામે આવ્યો છે તેમાં નીતા અંબાણી તેના પૌત્ર/પૌત્રીને હાથમાં પકડીને જોઈ શકાય છે.
આ પણ વાંચો : 4G-5G નહીં, માતા-પિતા છે સૌથી બેસ્ટ, કેમ મુકેશ અંબાણીએ કહી આ વાત?
મુકેશ અને નીતા અંબાણી દીકરીને લેવા એરપોર્ટ પહોંચ્યા. અહીં નીતા તેના હાથમાં એક બાળક સાથે જોવા મળી હતી. બીજું બાળક ઈશા અંબાણીના હાથમાં હતું. નીતા અંબાણીએ પોતાની પૌત્રીને બાંહોમાં પકડીને જે ખુશી વ્યક્ત કરી હતી તે જોવા જેવી છે. તે સતત પાપારાઝીનો આભાર કહી રહી છે. પરિવારને બાળકો સાથે કારમાં જતા જોઈ શકાય છે. સોશિયલ મીડિયા પર યુઝર્સ બંને બાળકોની ક્યૂટનેસ પર બેચેન થઈ ગયા છે.
View this post on Instagram
એટલું જ નહીં એવી પણ વાતો સામે આવી રહી છે કે, ઈશા અંબાણીના વર્લીના ઘરે ભારતના વિવિધ મંદિરોમાંથી ઘણા પંડિતોને બોલાવવામાં આવ્યા છે. અહીં બાળકો માટે પૂજા પાઠનું ભવ્ય આયોજન કરવામાં આવ્યું છે. એવી પણ ચર્ચા છે કે અંબાણી પરિવાર પણ બાળકોના નામે 300 કિલો સોનું દાન કરવા જઈ રહ્યો છે. આ પૂજામાં રસોઈ બનાવવા માટે વિશ્વભરમાંથી વિવિધ કેટરર્સને બોલાવવામાં આવ્યા છે. આ ભવ્ય સમારોહમાં ભારતના મોટા મંદિરો જેમ કે તિરુપતિ બાલાજી, તિરુમાલા, શ્રીનાથજી, નાથદ્વારા અને શ્રી દ્વારકાધીશ અને અન્ય સ્થળોનો વિશેષ પ્રસાદ પીરસવામાં આવશે.
આ પણ વાંચો : મુકેશ અંબાણીએ આ કંપનીનો ભારતીય બિઝનેસ ખરીદ્યો, 2850 કરોડમાં પાર પાડી ડીલ
