આદિત્ય રોય કપૂરે શેર કર્યું ‘ઓમઃ ધ બેટલ વિન’નું મોશન પોસ્ટર
આદિત્ય રોય કપૂર તેની આગામી એક્શન ડ્રામા ફિલ્મ ઓમઃ ધ બેટલ વિદિનને લઈને ઘણી ચર્ચામાં છે. ગયા મહિને ફિલ્મનું ટીઝર સામે આવ્યા પછી, અભિનેતાએ હવે ફિલ્મનું એક મોશન પોસ્ટર શેર કર્યું છે, જેમાં તે એક્શન મોડમાં જોવા મળી રહ્યો છે. આ મોશન પોસ્ટરને અભિનેતાએ તેના ઓફિશિયલ ઈન્સ્ટાગ્રામ હેન્ડલ પર શેર કર્યું છે. જ્યારે આ ફિલ્મમાં આદિત્ય રોય કપૂર સાથે અભિનેત્રી સંજના સાંઘી લીડ રોલમાં જોવા મળશે. આ સાથે આ ફિલ્મમાં સાઉથના સુપરસ્ટાર પ્રકાશ રાજ પણ મહત્વના રોલમાં જોવા મળવાના છે. આ ફિલ્મને કપિલ વર્માએ ડિરેક્ટ કરી છે.
ફિલ્મના મોશન પોસ્ટરમાં અભિનેતા હાથમાં ગન મશીન સાથે એક્શન મોડમાં જોવા મળે છે. આ મોશન પોસ્ટર ઈન્સ્ટાગ્રામ પર શેર કરવામાં આવ્યું છે. આ સાથે તેણે પોતાની ફિલ્મના ટ્રેલરના રિલીઝ વિશેની માહિતી પણ શેર કરી છે અને કહ્યું છે કે, ઓમઃ ધ બેટલ વિનનું ટ્રેલર ટૂંક સમયમાં રિલીઝ થશે.
ફિલ્મનું ટીઝર ગયા મહિને રિલીઝ થયું હતું. જેમાં આદિત્ય રોય કપૂર ધમાકેદાર એક્શન કરતો જોવા મળી રહ્યો છે. ટીઝર જોઈને જાણવા મળે છે કે અભિનેતા ફિલ્મમાં એક સૈનિકની ભૂમિકામાં જોવા મળશે. જે એક મિશનને પૂર્ણ કરવા માટે પોતાનો જીવ દાવ પર લગાવતો જોવા મળે છે. આ એક્શનથી ભરપૂર ફિલ્મ અહેમદ ખાન અને શાયરા ખાનના પ્રોડક્શન હાઉસના બેનર હેઠળ ઝી સ્ટુડિયો સાથે મળીને બનાવવામાં આવી છે.
