મોસ્કોથી ગોવા જઈ રહેલા ચાર્ટર્ડ પ્લેનમાં બોમ્બ હોવાની માહિતી મળતાં ખળભળાટ મચી ગયો હતો. ગોવા ATCને એક મેલ આવ્યો હતો, જેમાં વિમાનમાં બોમ્બ હોવાની માહિતી આપવામાં આવી હતી. આ પછી તરત જ જામનગરમાં ફ્લાઈટનું ઈમરજન્સી લેન્ડિંગ કરવામાં આવ્યું હતું. વિમાનમાંથી તમામ મુસાફરોને સુરક્ષિત બહાર કાઢવામાં આવ્યા છે. વિમાનની ગંભીરતાથી તપાસ કરવામાં આવી રહી છે. જો કે પ્રાથમિક માહિતી મુજબ આ ફ્લાઈટમાંથી કંઈ શંકાસ્પદ મળી આવ્યું નથી.
Gujarat | Outside visuals from Jamnagar Aiport where Moscow-Goa chartered flight was diverted after Goa ATC received a bomb threat.
Aircraft is under isolation bay & further investigation is underway. pic.twitter.com/rjge2VLnxe
— ANI (@ANI) January 9, 2023
કલેક્ટર સહિતનો ઉચ્ચ અધિકારીઓનો કાફલો પહોંચ્યો
મોસ્કોથી ગોવા જતી ફ્લાઈટમાં બોમ્બની શક્યતાએ તેનું જામનગર ખાતે ઈમરજન્સી લેન્ડિંગ કરવામાં આવ્યું હતું. જો કે, આ ફ્લાઈટમાંથી કોઈ શંકાસ્પદ વસ્તુ મળી આવી ન હતી. દરમિયાન આ અંગેની જાણ થતાં જામનગર જિલ્લા કલેક્ટર, જિલ્લા પોલીસવડા સહિતનો ઉચ્ચ અધિકારીઓનો કાફલો દોડી ગયો હતો. બીજી તરફ બોમ્બ સ્ક્વોડ, એમ્બ્યુલન્સ સહિતનો કાફલો પણ તેમાં સામેલ થયો હતો.
