મોરારી બાપુએ પણ કાવડ યાત્રામાં નેઈમપ્લેટ વિવાદમાં આપ્યો અભિપ્રાયઃ જૂઓ શું કહ્યું?

નવી દિલ્હી, 25 જુલાઈ : આધ્યાત્મિક ગુરુ મોરારી બાપુએ કાવડ યાત્રાના રૂટ પર આવતી દુકાનો અને હોટલોના માલિકોને નેમપ્લેટ લગાવવાના આદેશને લઈને ચાલી રહેલા વિવાદ પર પોતાની પ્રતિક્રિયા આપી છે. તેમણે કહ્યું કે આ યાત્રા લોકોની આસ્થાની યાત્રા છે, અહીં કોઈ સ્પર્ધા નથી. તેમણે કહ્યું, ‘મેં દરેક રાજ્યમાં કાવડ યાત્રા જોઈ છે, મેં પણ તેમાં ભાગ લીધો હતો. રાજકારણ અને રાજકીય ક્ષેત્ર મારું ક્ષેત્ર નથી. પરંતુ, આ શ્રદ્ધાની યાત્રા છે. આને વિવાદનો મુદ્દો ન બનાવવો જોઈએ.

‘સાચા કે ખોટાનો કોઈ પ્રશ્ન જ નથી’

મોરારી બાપુએ કહ્યું હતું કે, ‘બમ ભોલે-બમ ભોલે’ના નારા લગાવતા લોકો મહાદેવના અભિષેક માટે ખૂબ જ ભક્તિભાવ સાથે જઈ રહ્યા છે. દેશમાં દરેક બાબતને રાજકીય મુદ્દો ન બનાવવો જોઈએ, પરંતુ વિશ્વાસને આગળ લઈ જવો જોઈએ. સાચા કે ખોટાનો કોઈ પ્રશ્ન જ નથી મારી દૃષ્ટિએ, કારણ કે આ વિસ્તાર મારો નથી. કોઈપણ વિવાદમાં પડવાની જરૂર નથી. મહેરબાની કરીને કોઈ આને રાજકીય મુદ્દો ન બનાવો.

આ પણ વાંચો : નીટ પેપર લીક કેસ : એક પ્રશ્નપત્રના બદલામાં 60 લાખ…! જુઓ CBIએ કયા-કયા ખુલાસા કર્યા?

સુપ્રીમ કોર્ટે વચગાળાનો સ્ટે લગાવ્યો હતો

જણાવી દઈએ કે સુપ્રીમ કોર્ટે ગત સોમવારે ઉત્તર પ્રદેશ અને ઉત્તરાખંડની સરકારો દ્વારા જારી કરાયેલા નિર્દેશો પર વચગાળાનો સ્ટે લગાવી દીધો હતો, જેમાં કાવડ યાત્રાના માર્ગો પર સ્થિત ભોજનાલયોને તેમના માલિકોના નામ અને અન્ય વિગતો દર્શાવવા માટે કહેવામાં આવ્યું હતું, જસ્ટિસ હૃષિકેશ રોય અને જસ્ટિસ એસ. વી.એન. ભાટીની ખંડપીઠે ઉત્તર પ્રદેશ, ઉત્તરાખંડ અને મધ્ય પ્રદેશની સરકારોને નોટિસ જારી કરી હતી અને તેમને નિર્દેશને પડકારતી અરજીઓનો જવાબ આપવા જણાવ્યું હતું.

સુનાવણી શુક્રવાર સુધી સ્થગિત

મધ્યપ્રદેશમાં ઉજ્જૈન મ્યુનિસિપલ કોર્પોરેશને પણ શનિવારે દુકાનદારોને તેમની સંસ્થાઓની બહાર નામ અને મોબાઈલ નંબર દર્શાવવા માટે નિર્દેશ આપ્યો હતો. ખંડપીઠે, રાજ્ય સરકારોને નોટિસ જારી કરવાની સાથે જણાવ્યું હતું કે તેઓ જે પ્રકારનું ભોજન પીરસે છે તે દર્શાવવાની જરૂર પડી શકે છે, જેમ કે તેઓ શાકાહારી છે કે માંસાહારી છે. હિન્દુ કેલેન્ડરના શ્રાવણ મહિનાની શરૂઆત સાથે સોમવારથી શરૂ થયેલી કાવડ યાત્રા માટે ઘણા રાજ્યોમાં વિસ્તૃત વ્યવસ્થા કરવામાં આવી છે. બેન્ચે આ મામલે વધુ સુનાવણી શુક્રવાર સુધી મુલતવી રાખી હતી.

આ પણ વાંચો : શેરબજાર તૂટ્યું, સેન્સેક્સ 600 પોઈન્ટ ઘટીને 80 હજારની નીચે, TATA મોટર્સમાં ફરી ઉછાળો