ચોમાસુ સત્ર: બંને ગૃહોની કાર્યવાહી શરૂ થતાં જ થઇ સ્થગિત; મણિપુર હિંસા મુદ્દે હંગામો

નવી દિલ્હી: મણિપુર હિંસા મુદ્દે સંસદના ચોમાસુ સત્ર દરમિયાન વિપક્ષી દળોએ બંને ગૃહોમાં હંગામો કર્યા બાદ લોકસભા અને રાજ્યસભા મંગળવાર (25 જુલાઈ) સુધી સ્થગિત કરવામાં આવી હતી. કોંગ્રેસ અધ્યક્ષ મલ્લિકાર્જુન ખડગે સહિત અનેક વિપક્ષી નેતાઓને સંસદના બંને ગૃહોમાં મણિપુર પર ચર્ચા માટે નોટિસ આપવામાં આવી છે. વિપક્ષી પાર્ટીઓના ગઠબંધન ભારત હેઠળ સંસદમાં ગાંધી પ્રતિમાની સામે વિરોધ પ્રદર્શન કરવામાં આવ્યું હતું. કેન્દ્રીય ગૃહ પ્રધાન અમિત શાહે લોકસભામાં કહ્યું છે કે તેઓ ચર્ચા માટે તૈયાર છે, પરંતુ વિપક્ષ ચર્ચાથી ભાગી રહ્યો છે.

વિરોધને ડામવા માટે કેન્દ્રીય સંરક્ષણ પ્રધાન રાજનાથ સિંહે કોંગ્રેસ અધ્યક્ષ મલ્લિકાર્જુન ખડગે સાથે ફોન પર વાત કરી હતી, પરંતુ કોંગ્રેસ અધ્યક્ષે સૌપ્રથમ મણિપુર પર વડાપ્રધાનના નિવેદનની શરત ગૃહમાં મૂકી હતી. બીજી તરફ મણિપુરમાં હિંસાની ઘટનાઓ વચ્ચે 22 અને 23 જુલાઈએ મ્યાનમારના 700 થી વધુ નાગરિકોએ મણિપુરમાં ઘૂસણખોરી કરી હતી, જેના માટે રાજ્ય સરકાર દ્વારા રાઈફલ્સ પાસેથી માહિતી માંગવામાં આવી છે.

#WATCH भाजपा के खिलाफ जो भी सांसद आवाज़ उठा रहे हैं उन्हें निलंबित कर दिया जा रहा है। विपक्षी दलों की एक ही मांग है कि हम मणिपुर मुद्दे पर चर्चा चाहते हैं। दुख की बात है कि इस मुद्दे की चर्चा अंतरराष्ट्रीय स्तर पर हो रही है लेकिन भारत में नहीं हो रही… मणिपुर के मुख्यमंत्री एन… pic.twitter.com/QqzVFS5Fc1

— ANI_HindiNews (@AHindinews) July 25, 2023

કોંગ્રેસના સાંસદ મનીષ તિવારીએ કહ્યું કે અમારી બે માંગ છે, પહેલી એ કે પીએમ મોદીએ બંને ગૃહમાં નિવેદન આપવું જોઈએ અને બીજું વિપક્ષી ગઠબંધન INDIA દ્વારા આપવામાં આવેલી ‘સ્ટોપ વર્ક મોશન’ (કામ રોકો પ્રસ્તાવ) નોટિસ પર ચર્ચા કરવામાં આવે. તેમણે કહ્યું કે મણિપુરની દુર્ઘટના માત્ર રાજ્ય પુરતી મર્યાદિત નથી, તે રાષ્ટ્રીય દૂર્ઘટના છે.

VIDEO | “We want to give the biggest message, Sanjay Singh is not alone. We all are together. Our demand of PM to speak in the Parliament on Manipur will continue,” says Rajya Sabha MP and Mahila Congress President Jebi Mather.

A group of opposition MPs, including Sanjay Singh,… pic.twitter.com/zcpkCPxRrN

— Press Trust of India (@PTI_News) July 25, 2023

રાજ્યસભાના સાંસદ અને મહિલા કોંગ્રેસના અધ્યક્ષ જેબી માથેરે કહ્યું કે અમે સૌથી મોટો સંદેશ આપવા માંગીએ છીએ કે સંજય સિંહ એકલા નથી. આપણે બધા આમાં સાથે છીએ. પીએમ સંસદમાં મણિપુર પર બોલે તેવી અમારી માંગ ચાલુ રહેશે.

આ પણ વાંચો-સંસદમાં મણિપુર પર હોબાળો યથાવત રહેવાની સંભાવના; ભાજપાએ બોલાવી પાર્લામેન્ટરી બેઠક