કેરળમાં ચોમાસાએ આપી દસ્તક, વાવાઝોડું ‘બિપરજોય’ બનશે વધુ તીવ્ર !
7 દિવસ મોડુ થઈ ગયું છે, પરંતુ કેરળમાં આખરે ચોમાસું આવી ગયું છે. આ સાથે ભારતીય હવામાન વિભાગ (IMD)એ ચેતવણી આપી છે કે ગંભીર ચક્રવાત બિપરજોયને કારણે શરૂઆતમાં તે હળવા રહેવાની શક્યતા છે. ચોમાસું 1 જૂને કેરળમાં આવવાનું હતું, પરંતુ આ વખતે 7 દિવસના વિલંબ બાદ રાજ્યમાં વરસાદની મોસમ શરૂ થઈ છે.
No more waiting: Monsoon arrives in Kerala
Read @ANI Story | https://t.co/HDz6wXWhxR#Kerala #SouthWestMonsoon #IMD pic.twitter.com/dYs3kfxG9z
— ANI Digital (@ani_digital) June 8, 2023
IMD અનુસાર, ચક્રવાતી તોફાન બિપરજોયના કારણે આગામી 48 કલાક દરમિયાન મધ્ય અરબી સમુદ્ર, તમિલનાડુ, કર્ણાટક, દક્ષિણ પશ્ચિમ ઉત્તરપૂર્વ બંગાળની ખાડી, ઉત્તરપૂર્વીય રાજ્યો અને કેરળના બાકીના ભાગોમાં ચોમાસું આગળ વધવા માટે સ્થિતિ અનુકૂળ છે. ચોમાસાની સ્થિતિને ધ્યાનમાં રાખીને હવામાન વિભાગે માછીમારોને દરિયો ન ખેડવા એલર્ટ જાહેર કરી દીધું હતું.
કેરળમાં ચોમાસું 7 દિવસ મોડું પહોંચ્યું
જણાવી દઈએ કે કેરળમાં ચોમાસાના આગમનની તારીખ 1 જૂન હતી, ત્યારબાદ હવે 8 જૂને રાજ્યમાં ચોમાસાએ દસ્તક આપી છે. IMD અનુસાર, દક્ષિણ-પૂર્વ અરબી સમુદ્ર પર નીચા દબાણવાળા વિસ્તારની રચના અને તેની તીવ્રતાને કારણે, ચક્રવાતી પરિભ્રમણ કેરળના કાંઠા તરફ ચોમાસાના આગમનને ગંભીર અસર કરી શકે છે. જો કે હવામાન વિભાગે કેરળમાં 8 જૂને ચોમાસું બેસવાની સંભાવના પહેલેથી જ વ્યક્ત કરી હતી.
ચક્રવાતી તોફાન હવે વધુ તીવ્ર બનશે
બીજી તરફ ચક્રવાતી તોફાન બિપરજોય અંગે હવામાન શાસ્ત્રીઓનું કહેવું છે કે તે વધુ તીવ્ર બને અને બિપરજોય તોફાન આગામી ત્રણ દિવસ દરમિયાન ઉત્તર તરફ આગળ વધશે. IMDએ 7 જૂને સવારે કહ્યું કે કેરળમાં બે દિવસમાં ચોમાસાની શરૂઆત માટે અનુકૂળ સ્થિતિ છે.
