સાંસદોના વેતન- ભથ્થામાં જંગી વધારો : ભૂતપૂર્વ સાંસદોનું પેન્શન પણ વધશે

નવી દિલ્હી, 24 માર્ચ 2025 :  કેન્દ્ર સરકારે સોમવારે (24 માર્ચ, 2024) સાંસદોના પગારમાં વધારાની જાહેરાત કરી. 1 એપ્રિલ, 2023 થી, સાંસદોને 1 લાખ રૂપિયાના બદલે 1.24 લાખ રૂપિયા પગાર મળશે. સરકાર દ્વારા સાંસદોના પેન્શન અને ભથ્થામાં પણ વધારો કરવામાં આવ્યો છે.

આ ફેરફારો સંસદ સભ્યોના પગાર, ભથ્થાં અને પેન્શન અધિનિયમ, 1954 દ્વારા આપવામાં આવેલી સત્તાઓનો ઉપયોગ કરીને કરવામાં આવ્યા છે અને તે આવકવેરા અધિનિયમ, 1961 માં ઉલ્લેખિત ખર્ચ ફુગાવાના સૂચકાંક પર આધારિત છે. આ નિર્ણય પહેલા સાંસદોનું પેન્શન 25,000 રૂપિયા હતું, જે હવે વધારીને 31,000 રૂપિયા કરવામાં આવ્યું છે. તેવી જ રીતે, બે કે ત્રણ વખત સાંસદ રહી ચૂકેલા લોકોનું વધારાનું પેન્શન 2000 રૂપિયાથી વધારીને 2500 રૂપિયા કરવામાં આવ્યું છે.