મોદી સરકારે X, YouTube, Telegram ને આપી નોટીસ, જાણો કેમ ?

ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલયે શુક્રવારે X, YouTube, Telegram અને અન્ય સોશિયલ મીડિયા પ્લેટફોર્મને નોટિસ જારી કરી છે. IT મંત્રાલય દ્વારા જારી કરવામાં આવેલી આ નોટિસમાં સોશિયલ મીડિયા પ્લેટફોર્મને ભારતમાં બાળ યૌન શોષણ સંબંધિત સામગ્રીને દૂર કરવાની ચેતવણી આપવામાં આવી છે. મંત્રાલયે કહ્યું કે જો ચાઈલ્ડ યૌન શોષણ સંબંધિત કન્ટેન્ટને પ્લેટફોર્મ પરથી હટાવવામાં નહીં આવે તો તેમની કાનૂની સુરક્ષા દૂર કરવામાં આવશે અને કાનૂની કાર્યવાહી પણ થઈ શકે છે.

નોટીસનું પાલન ન થાય તો કાયદેસરની કાર્યવાહી

ઈલેક્ટ્રોનિક્સ અને આઈટી રાજ્ય મંત્રી રાજીવ ચંદ્રશેખરે જણાવ્યું હતું કે અમે X, YouTube અને Telegram ને નોટિસ મોકલી છે કે તેમના પ્લેટફોર્મ પર કોઈ પણ બાળ યૌન શોષણની સામગ્રી હાજર ન હોય. સરકાર IT નિયમો હેઠળ સુરક્ષિત અને વિશ્વસનીય ઇન્ટરનેટ બનાવવા માટે પ્રતિબદ્ધ છે. તેમણે ચેતવણી આપી હતી કે IT કાયદા હેઠળના IT નિયમો સોશિયલ મીડિયા મધ્યસ્થીઓ પર સખત અપેક્ષા રાખે છે કે તેઓએ તેમના પ્લેટફોર્મ પર ગુનાહિત અથવા નુકસાનકારક પોસ્ટને મંજૂરી આપવી જોઈએ નહીં.

જો તેઓ ઝડપથી કાર્યવાહી નહીં કરે, તો IT એક્ટની કલમ 79 હેઠળનું તેમનું કાનૂની રક્ષણ પાછું ખેંચી લેવામાં આવશે અને તેઓ ભારતીય કાયદા હેઠળ પરિણામ ભોગવશે. નોંધનીય છે કે, IT એક્ટની કલમ 66E, 67, 67A અને 67B CSAM સહિત અશ્લીલ અથવા અભદ્ર સામગ્રીના ઓનલાઈન ટ્રાન્સમિશન માટે સખત દંડ અને દંડ લાદે છે.