ધારાસભ્ય સૌરભ ભારદ્વાજ, આતિષી બનશે મંત્રી! સીએમ કેજરીવાલે એલજી સક્સેનાને મોકલ્યા નામ

આમ આદમી પાર્ટીના ધારાસભ્યો સૌરભ ભારદ્વાજ અને આતિશી કેજરીવાલને સરકારમાં મંત્રી બનાવવામાં આવી શકે છે. દિલ્હીના મુખ્યમંત્રી અને આમ આદમી પાર્ટીના રાષ્ટ્રીય સંયોજક અરવિંદ કેજરીવાલે બંને ધારાસભ્યોના નામ લેફ્ટનન્ટ ગવર્નર વીકે સક્સેનાને મોકલ્યા છે. મંગળવારે સાંજે મનીષ સિસોદિયા અને સત્યેન્દ્ર જૈને પોતપોતાના પદ પરથી રાજીનામું આપી દીધું હતું. સૂત્રોએ દાવો કર્યો છે કે અરવિંદ કેજરીવાલે કેબિનેટમાં મંત્રી બનવા માટે AAP ધારાસભ્યો સૌરભ ભારદ્વાજ અને આતિશીના નામ દિલ્હીના એલજીને મોકલ્યા છે.

આ પણ વાંચો : ‘આપ’ ના માટે મદિરા હાનિકારક છે, હું તો ઈમાનદાર છું, બેઈમાન તો આ બધા છે !

Delhi Chief Minister Arvind Kejriwal sent names of AAP MLAs Saurabh Bhardwaj and Atishi to Delhi LG to be elevated as ministers in the cabinet: Sources pic.twitter.com/IqemD3j19W

— ANI (@ANI) March 1, 2023

દિલ્હી દારૂ કૌભાંડમાં સેન્ટ્રલ બ્યુરો ઑફ ઇન્વેસ્ટિગેશન દ્વારા મનીષ સિસોદિયા અને મની લોન્ડરિંગ કેસમાં કથિત સંડોવણી બદલ એન્ફોર્સમેન્ટ ડિરેક્ટોરેટ દ્વારા સત્યેન્દ્ર જૈનની ગયા વર્ષે મે મહિનામાં ધરપકડ કરવામાં આવી હતી, જે બાદ દેશમાં ઓછામાં ઓછી 20 ધરપકડ કરવામાં આવી છે. રાજ્યના વિભાગો હાલ મંત્રીઓ વગરના છે. મનીષ સિસોદિયા દિલ્હીના નાયબ મુખ્યમંત્રી હતા. તેમણે શિક્ષણ, આબકારી, નાણા અને અન્ય ઘણા વિભાગો સંભાળ્યા હતા જ્યારે સત્યેન્દ્ર જૈન દિલ્હીના આરોગ્ય અને જેલ પ્રધાન હતા. એવું કહેવામાં આવી રહ્યું છે કે અરવિંદ કેજરીવાલ કેબિનેટમાં નવા મંત્રીઓને સામેલ કરવા માંગે છે જેથી કરીને દિલ્હીના બજેટની રજૂઆત દરમિયાન સરકારનું કામ સરળતાથી ચાલી શકે.