સૈફ અલી ખાનના કેસમાં ખોટી વ્યક્તિની ધરપકડ: જીવન બરબાદ થતાં કરી ન્યાયની માંગણી

મુંબઈ, ૨૭ જાન્યુઆરી: બોલિવૂડ અભિનેતા સૈફ અલી ખાન પર હુમલો થવાના કેસમાં નવો ખુલાસો થયો છે. મુંબઈ પોલીસે શંકાના આધારે એક વ્યક્તિની ધરપકડ કરી હતી પરંતુ તપાસ બાદ તે નિર્દોષ સાબિત થયો છે. મુંબઈમાં બોલિવૂડ એક્ટર સૈફ અલી ખાન પર થયેલા હુમલાના કેસમાં શંકાસ્પદ તરીકે છત્તીસગઢના દુર્ગમાં અટકાયત કરાયેલા વ્યક્તિ આકાશ કનોજિયાએ પોતાનું દર્દ વ્યક્ત કર્યું છે. તેમણે ન્યાયની માંગ પણ કરી છે.

16 જાન્યુઆરીએ સૈફ અલી ખાન પર હુમલો થયો હતો, હુમલા બાદ મુંબઈ પોલીસે પણ આરોપીઓને પકડવાનો પ્રયાસ શરૂ કર્યો હતો. હુમલાખોરને પકડતી વખતે પોલીસે ઘણા સીસીટીવી ફૂટેજ મેળવ્યા હતા. તપાસ દરમિયાન, તેમણે કેટલાક શંકાસ્પદોની ધરપકડ પણ કરી. તેમને પકડવા પાછળનું કારણ એ હતું કે તેમના ચહેરા હુમલાખોર જેવા જ હતા. ધરપકડ કર્યા બાદ એવા અહેવાલ સામે આવ્યા છે કે, ક્રાઈમ સીન પરના નિશાન સાથે તેના ફિંગરપ્રિન્ટ મેચ થયા નથી.

ધરપકડ કરાયેલ વ્યક્તિની ઓળખ આકાશ કૈલાશ કનૌજિયા તરીકે થઈ છે, જે 31 વર્ષનો છે. તે પહેલા ફક્ત મુંબઈમાં જ રહેતો હતો. આકાશની દુર્ગ રેલ્વે સ્ટેશનથી ધરપકડ કરવામાં આવી હતી. કહેવામાં આવી રહ્યું છે કે તે પોતાના ઘરે જઈ રહ્યો હતો. કસ્ટડીમાં લીધા પછી, તેનું વ્યક્તિત્વ સંપૂર્ણપણે બદલાઈ ગયું છે. આકાશે રવિવારે (26 જાન્યુઆરી) કહ્યું હતું કે પોલીસની કાર્યવાહી બાદ તેનું જીવન સંપૂર્ણપણે અસ્તવ્યસ્ત થઈ ગયું છે, તેની પાસે કોઈ નોકરી નથી અને પરિવાર બદનામીનો સામનો કરી રહ્યો છે.

આકાશ કનોજિયાએ કહ્યું, “મારો પરિવાર ચોંકી ગયો હતો અને જ્યારે મીડિયાએ મારી તસવીરો બતાવવાનું શરૂ કર્યું હતું અને દાવો કર્યો હતો કે હું આ કેસમાં મુખ્ય શંકાસ્પદ છું. મુંબઈ પોલીસની ભૂલથી મારું જીવન બરબાદ થઈ ગયું છે. તેઓ એ નોંધવામાં નિષ્ફળ ગયા કે, મારે  મૂછો હતી અને અભિનેતાના મકાનના સીસીટીવી ફૂટેજમાં જોવા મળેલા માણસને મૂછ નહોતી. હું મારી ભાવિદુલ્હનને  મળવા માટે જઈ રહ્યો હતો, જ્યારે હું દુર્ગમાં અટકાયતમાં લેવામાં આવ્યો હતો અને પછી રાયપુર લઈ જવામાં આવ્યો હતો જે ત્યાં પહોંચેલી મુંબઈ પોલીસની ટીમે પણ મારી સાથે મારપીટ કરી હતી.

સૈફ અલી ખાનની બિલ્ડિંગ બહાર ઊભો રહીને હવે નોકરી માંગીશ

“જ્યારે મેં મારા એમ્પ્લોયરને ફોન કર્યો, ત્યારે તેઓએ મને કામ પર ન આવવા કહ્યું. તેઓએ મારી વાત સાંભળવાની ના પાડી.બાદ યુવતીના પરિવારે લગ્ન માટે પણ ના પાડી દીધી.”  હું સૈફ અલી ખાનની બિલ્ડિંગ બહાર ઊભો રહીને હવે નોકરી માંગીશ, કારણ કે તેના કારણે જ મેં બધું ગુમાવ્યું છે.”

આ પણ વાંચો..26 જાન્યુઆરીએ ફિલ્મ ‘Emergency’એ છાપયા આટલા રૂપિયા, જાણો બોક્સઓફિસ ક્લેકશન