ઈન્ડિગો ફ્લાઈટમાં મહિલા કેબિન ક્રૂ સાથે દુર્વ્યવહાર, આરોપીને પોલીસે કર્યો હવાલે
ફ્લાઈટ્સમાં એર હોસ્ટેસ સાથે ગેરવર્તણૂકના કિસ્સાઓ વધી રહ્યા છે. હવે ઈન્ડિગોની શારજાહ-અમૃતસર ફ્લાઈટમાં નશામાં ધૂત પેસેન્જરે કેબિન ક્રૂ સાથે દુર્વ્યવહાર કર્યાની ઘટના સામે આવી છે. 13 મેના રોજ ઈન્ડિગોની ફ્લાઈટ UAE શારજાહથી અમૃતસર માટે ઉડાન ભરી હતી. ત્યારપછી મુસાફરી દરમિયાન નશામાં ધૂત પેસેન્જરે મહિલા કેબિન ક્રૂ સાથે ગેરવર્તણૂક કરી હતી.
અમૃતસરમાં ઉતર્યા બાદ આરોપી મુસાફરને પંજાબ પોલીસને સોંપવામાં આવ્યો હતો. આરોપીની ઓળખ રાજીન્દર સિંહ તરીકે થઈ છે જે ફ્લાઈટ નંબર 6E 1428માં મુસાફરી કરી રહ્યો હતો. અમૃતસર એરપોર્ટ પર ઉતરતાની સાથે જ તેની ધરપકડ કરવામાં આવી હતી. પંજાબના જલંધરનો રહેવાસી પકડાયેલા મુસાફરે કથિત રીતે ફ્લાઇટમાં વધુ માત્રામાં દારૂ પીધો હતો.
આરોપી મુસાફરે નશાની હાલતમાં મહિલા ક્રૂ મેમ્બર સાથે દુર્વ્યવહાર . તે સમયે ફ્લાઈટ સ્ટાફે પરિસ્થિતિને સંભાળી હતી. સિક્યોરિટી મેનેજરે ઉતર્યા બાદ મામલો પોલીસ સમક્ષ ઉઠાવ્યો હતો. પોલીસે આરોપીની અટકાયત કરી ઘટનાની તપાસ હાથ ધરી છે.
ફ્લાઇટમાં ગેરવર્તણૂકના બનાવો વધ્યા
છેલ્લા કેટલાક મહિનામાં હવાઈ મુસાફરી કરતા મુસાફરોના વાંધાજનક વર્તનની અનેક ઘટનાઓ સામે આવી છે. ગયા મહિને, ન્યૂયોર્ક-નવી દિલ્હી અમેરિકન એરલાઇન્સની ફ્લાઇટમાં દલીલ દરમિયાન કથિત રીતે નશામાં ધૂત એક વ્યક્તિએ અન્ય મુસાફર પર પેશાબ કર્યો હતો.
વૃદ્ધ મહિલા મુસાફર પર પેશાબ કર્યો
ગયા વર્ષે નવેમ્બરમાં હેડલાઇન્સમાં હિટ થયેલા સમાન કેસમાં, શંકર મિશ્રા નામના મુસાફર પર એક વૃદ્ધ મહિલા સહ-પ્રવાસી દ્વારા પેશાબ કરવાનો આરોપ મૂકવામાં આવ્યો હતો. એર ઈન્ડિયાની ફ્લાઈટમાં આરોપી કથિત રીતે નશાની હાલતમાં હતો. ફરિયાદ બાદ આરોપીની ધરપકડ કરવામાં આવી હતી. જોકે બાદમાં તેને જામીન મળી ગયા હતા.
